KAIHKHIH TUAR KANPALET THALAI PAWL CU MI PAKHATAH TING 10 IN TLAN SUAK DINGIN RALKAP PAWLIN TI 

Chin state, Kanpalat township Sungih fangfai phur luttute cu military council ralkap pawlin kap dingin thupek (fireing order) an suah mai bakah, san um loin, an kaih thalai pawl cu mi pakahtah ting 10 theuhin  tlan suak aw dingin military council ralkap cun a theih ter tiah theih a si.

Kanpalet tualsung mi pakhat cun, kaihkhih tuar mi pawl cu police station an thleng ih, tlan suak aw ding cun paisa kuan a tul ih, tlan suak aw mi pawl cu an tam nasa, Mi pakhatah kyat ting 10 pek a tul ih, pek thluh thei lo cun  ting 5 pek hmasak a tul ih. Thenkhat pawl cu minung an kai ih,  an thil neih mi laksakin an suah leh sal a si, tusunah khal khaw sung lamah an strict nasa a si,” tiin a sim.

Kanpalet Township sungah military council ralkap pawlin civil mi 20 luan an kai zo ih, a tam sawn cu paisa in an tlan ter ruangah an suak sal ih, a si nan mi pahnih cu mipi kilhimtu pawl CND lam thawn zawmawknak in an zum ruangah, suah an harsa tiah theih a si.

Tusun lamah Kanpalet khaw sung cu a a hmaisa hnakin khuahkhirh a si ih, fangfai thiartute cu military council lamin firing order a suah zo ruangah, fangfai, Sii, ei ding phur pawl cu an kai ih, an thilri pawl an laksak ruangah, khaw thenkhatah cun ei leh in ding nein awn lo in harsatnak an tawng rero a si tiah theih a si.

August thla tir lam khalah military council ralkap lamin zan lamah san um loin,  hmeh puah leh civil mi pawl cennak in dapin an thil neih laksakin sual rawng an bawl thu khal theih a si.

Author: admin

Leave a Reply

Your email address will not be published. Required fields are marked *