TUSUN TAMU TOWNSHIP DOKAHNAK AH BURMA RALKAP MI 17 THI

Tusun August 23 Tamu Township update. Sagaing region,Tamu khua ah tuzingah khan Burma ralkapĀ  leh PDF karlak ah kahawknak a suak sal ih, ralkap lam mi 17 an thi ih PDF lam mi 1 in ram hrang ah a nunnak a hlan, mi dang 2 in hliamhma an tuarĀ  tih PDF Tamu thupuang tu cun a tarlang.

Tamu khua ih um University of Technology hmun sung ih umhmun khuar ih um mi ralkap pawl cu, August 23th Tuzing nazi 5:00am hrawng ah khan PDF pawl thawn an kap awa si.

Tuzing nazi 9:00 am tiang an kap aw ih, ralkap lam thi zat hi fiang fai ten theih a si ih, Tamu hospital ah ralkap hliamhma tuar leh thi mi pawl an um tih PDF thupuang tu cun a tarlang.

August ni 22 ah khan Tamu Myoma veng No.12 nak Nanpalun tlawngin / school sung ih umhmun khuar ralkap pawl cu PDF lam in bomb hmang in an bei ih, A hmun ah ralkap 2 an thi ih mi dang hliamhma tuar an um hnuai hni a si.

Sagaing region,Tamu khua ah hin ralkap lam Ralthuam hmang ih rak do tu an kaih mi pawl cu an hrem nasa ih, April thla sung ih khuasung mino rual pawl cun an sawm khawm aw ih ralkap pawl an rak do ih. mi 18 lai an rak that zo a si.

 

Author: admin

Leave a Reply

Your email address will not be published. Required fields are marked *