INDIA AH DNA VACCINE CU LEITLUN IH COVID KILNAK HMASA BIKIH PAWM A SI

India health expert-Pawl cunĀ  Covid-19 vaccine, emergency-ih hman theih dingin leitlun ih a hmasa bik hrang dingih an tuah suak mi DNA vaccine Sii phun khat cu August ni 20, ah khan hman theih dingin pawm a si ih, Hi mi hi kum 18 hnuai lam nuahuak pawl hrangih hman ding a si.

Vawi thum dawh tul ZyCoV-D kilawknak (vaccine) hi Covid-19 hrik kainak ih sin natnak lang suak theu zaa 66 tiang a a kil theih thu, a tuah suaktu Cadila Healthcare test result-ah hmuh theih a si ih.

A tuahtu Company cun hi siiĀ  (vaccine) hi Tan 120 tuah a tum ih, tun hlanih an rak tuah zo mi, DNA vaccine-pawl cu ram nung ah lawng an hmang theu a si.

Ministry of Health department tarlan danin, India kutsuak Covid-19 vaccine, Covishield, Covaxin, Sputnik V pawl cu Tan 570 hrawng tun dinhmunah an tuahsuak zo ih. Ram pumah January thla ih sin vaccine injection hna fehpi a si ih, puitling zaa 13-in dose kimin an la zo ih, zaa 47 hrawngin dose 1-nak lawng an la injection tiah theih a si.

 

Author: admin

Leave a Reply

Your email address will not be published. Required fields are marked *