Ralhrangbu Vanlawng Ralkap Minung Sawmthum Le Paruk Hriamnam Tling He An Zam

Magwe vanlawng ralkap 36 hriamnam he an zaam tiah chim.August 21, Magwe vanlawng ralkap minung 36 cu hriamnam tling he an zaam i a himnak hmun an phan cang tiah Magwe PDF (Athli ralkap) nih an chim.
Hi Magwe vanlawng ralkap hna umnak sakhan hi August 8 lio ah bomb a rak puak bal i rocket zong in an rak kah bal.Nizaan nai zong ah Dawei Kha-La-Ya 25 in SAC ralkap 25 hriamnam tlimg he an zaam tiah theih a rak si.Mizzima (The Hakha Times)

Relchap: Yangon ramtthen, Shwepyithar ah a ummi Cornerstone Baptist Mission Myanmar nih Mindat ralzaam hna ca ah a voi 3nk ting 80 man bawmhnak cu Mindat ralzam hna sin ah tluang tein an phan.SAC nawl onhnak in Mindat ah an kuat khawh i nihin ah Mindat peng chung ralzam camp ttuanvo ngeitu cio nih an vung hlam cang hna, tiah ttuanvo ngeitu pakhat nih a chim.

Atutan bawmhnak an kuatmi ah eidin, hnipuan le sii-ai pawl an i tel i, Yangon khuachung Laimi pumpak le Khrihabu cheukhat nih Mindat ralzaam pawl ca ah an hlutmi an si hna.

Nihin (August 21) ah Hakha COVID-19 volunteer mino pawl nih Hakha Market hmai ah taklinh checknak an tuah i Mask aa hruk lomi pawl mask phawtzamhnak le Market ah a lutchuakmi paoh Hand Gel in kut ttawlnak an tuah hna.

Hihi Hakha COVID-19 volunteer pawl nih COVID-19 Third Wave hnu ah nitin in an tuahmi cawlcanghnak a si. Credit The Chin Journal.

 

 

Author: admin

Leave a Reply

Your email address will not be published. Required fields are marked *