KIA Nih Min Aung Hlaing Company Ser Myanmar Beer A Rawh Ning Cu A Neengsai Taktak

KIA nih Kawl Ralhraang Company ser Myanmar Beer an hrawh.KIA humhaak mi hmun Maijayan ah phung ning lo in luhpi mi Myanmar Beer pawl an khawmh i nihin ah an hrawh tiah Kachin ramkulh tualchung media hna nih an langhter.COVID-19 mizaw an tam ca ah atu lio Maijayan khua ah eidin tirawl lawng luhternak nawl an pek hna nain, phung ning lo in Tuluk ram lei in a rak lut mi Myanmar Beer caku kuang 50 an hmuh ca ah upadi ning in an hrawh tiah theih a si.Source-The Kachin Net

Relchap: ANP Pituh Hluttaw MP Hlun U Phe Tan Party In Chuahnak Nawl A Hal Ralhrangbu nih uknak a lak hnuah Arakan National Party (ANP) policy ka duh lo ruangah chuahtak nawl ka hal lio a si tiah Rakhine ram, Myepone peng house of repretatives member hlun U Phe Tan nih a chim.

U Phe Tan nih chuahnak ca hi June 13 ah ca in a pek cang mi a si i, atu tiang zeihmanh thawngthanhnak a um rih lo tiah theih a si.Chuah ka duhnak a ruang pahnih a um.Pakhat cu ralhrangbu nih uknak a lak hnuah kan kal ning, kan policy ka duh li ruangah a si.A dang pakhat cu kan party hruaitu cheukhat nih kan policy ning si loin an duh paoh in rian an tuan ruangah a si.

Party politics cu parliament a um lawngah a nung mi a si.Cu lawng si loin, party tangah si lo in ram le miphun caah zalawng tein riantuan ka duh ruangah a si tiah a chim.Hi kong he pehtlaih in ANP executive member U Tun Aung Kyaw nih atu tiang cu chuahnak a hal mi vialte cu an chuak dih cang.U Phe Tan zong harsatnak a um lai ka zumh tiah a chim.Arakan National Party cu 2014 January 13 ah dirh mi a si i, 2014 March 6 ah Union election commission ah register tuah mi a si.

Ref; WN

Author: admin

Leave a Reply

Your email address will not be published. Required fields are marked *