D Day Kan Thleng Zikte thlang Hi Mi pawl Ral Rin Cia Uh

Mipi kan ralrin lawk a tul, D Day-ah hin khawpi tinah  dokahnak a suak pang a si len Military council Ralkap pawl cun tih siat ding pa 4 an nei men thei ih, cu mi pawl cu,  Power supply um lo ta sela, Mombati phazawngdan kan nei lawk maw, meihawl, thuk leh meitalh kan nei kim lawk zo maw? Kawlphekhawnvar (Touhlight) kan nei lawk maw, hi pawl hi kan ralrin lawk a tul, siar thluh ta awla naruah dan cu comment lam ah aw.

Radio na nei maw, Internet phit ta sela, phone kan hmang thei lo tikah ziang tin saw tim kan tuah lawk ding, kan pawhawknak (communication) an harsa ding ih, third wave hrang, tanpitu pawl an ra thei lo ding fawn, Tanpitu pawl cun an sungkua bak an enkawl thein awn lo ding, Cu bakah tidai hman ding an phit thei ih, khaw teah lam ah cun, tikhur leh tidai (Tili kam ih sin tihnaput) a um thei ih, khawpiah sungah cun ti thianghlim hman ding ralrin cia lawk a tul ding a si.

Hliamhma tuar leh damlo um pang ta sela, ti in ding leh Sii ei ding leh hnawih ding kan ralring cia zo maw, Third wave lai ah khan pawisa neih loh ruangah kan lei khawl cia thei lo ih, Ks.700 man kha Ks, 7000-in kan lei ih, cu mi hmanah lei  ding a um mumal lo a si kha.

Buainak ra thleng thutthi sela, tlan tul lo in um sela, sum leh paiah kan khawl aw cia zo maw, thil men men khawl lo in suan ding neih lo can ih reipi daih ding fangfai leh pe pawl lei khawl cia aw.

Tu rihah cun Kayin sim lam, Kaya, Chin State leh Sagaing lam ih raltlan pawl cun tlang kar lak ah thlaihnah phuahchawp an ring rero ih, cu mi khal cu tisiat ding mi 4 lakah an tel bet lai, Hi mi thil pawl hi kan umnak khua leh veng sungah an thleng men thei ih, kan umnak inah khal a ra thleng lo ding tih zohmanin  ciang takin kan sim thei lo. A thleng pang a si ah cun Covid-19 third wave vekin Mask bunih Bazar theih vek a si lo ding.

Curuangah mipi kan sung a si ah cun Revolution a sung tihnak a si ih. Film-ih kan hmuh theu vekin a tanpitu te milian 5 an thih mi vek si lo sela, mahten kilhim awknak hmangin, Recolution beih hi thatnak a tam sawn a si.

 

Author: admin

Leave a Reply

Your email address will not be published. Required fields are marked *