Covid do nak Cambodia-in Dollar Ting 2 Myanmar ram pek tiam.

Myanmar ramih Covid donak lam ih Sii lam mamawh lei nak ding dollar Ting 2 thawh (donate) an tum thu Cambodia Prime Minister Hun Sen-in a sim.

Tunaite ah khan Sr. Gen. Min Aung Hlai cun, “Mipi Tan 50 luan hrangih ram dang Sii lei cu ram pum retheihnak hmabak lawng a si, Curuangah, kilawknak, tuamhlawmawknak hi netaah kan ti lo thei lo ding mi a si ih, nehhnuah cun kilawknak leh tuamhlawmawknak ding Sii kan tuah suak a tul a si. Kan traditional medicine hmangin kan tuah teng teng rori a tul, tiin a sim.

Lehlamah cun mipi pawl nunak kilhimnak leh tuamhlawmnak ih paisa cuti zat ih tam kan hmang thei lo a tihnak tluk a si tiin, mi thiam pawl cun an sim ih, Sinan, hi Cambodia tanpinak hi cu Cambodia leh Myanmar ram pahnihte karlakih rualpi thatnak leh pumkhatawknak tha lanternak pakhat hrang a si tiin, Cambodia lam cu an sim cih.

PM Hun Sen cun, “Ram pahnih karlakah rualpi tha sinak, pumkhatawknak leh Cambodia leh ASEAN humanitarian assistance fehtlangih Myanmar ram tanpi nak ding Dollar ting 1 kan thawh bakah, tunah hin Cambodia cozah ih sin paisa fai dollar tinh 2 kan lo pes al ding a si tiin a sim.

Asinan, hi mi paisa pawl hi Military council Ralkap kutah lut thluh ding a si ih. Hi bakah hin Myanmar ram hrang hmai tuamnak (mask) Tan 3, Covid rapid Antigen test kit ting 5, PPE uniform 2000, Oxygen Concentrator 100, Ventilator 20, Patient Monitoring machine 20 leh Sii lam hmanrua pawl khal telin, special flight hmangih pek zang an tum thu PM Hun Sen cun am sim cih a si.

 

Author: admin

Leave a Reply

Your email address will not be published. Required fields are marked *