Mizoram Lamih Myanmar Raltlan Pawl Covid Vaccine Dawt Thawk

India hmar sak state, Mizoram ram-ih raltlan Myanmar mi pawl cu Mizoram health department leh tualsung pawlkawm pawl thawn tuantlangnak vekin ngaihpawimawh in leh duhsaknak lanter nak ah mini August ni 17 ih sin Covid-19 vaccine injection hna fehpi a si thu theih a si.

Champhai district-ih Myanmar mi pawl cu Mizoram state Chief Minister Zoramthanga kaihhruainak leh tualsung pawlkawm hmuah hmuah thawn tuantlangnak hmangin hi Covid vaccine injection thei kan si,” tiin hi hna tanpitu lakih Myanmar lam mi pakhat cun a sim.

Myanmar mi pawl vaccine lak hi India tuah mi a si ih, a vawi khat (1st dose) injection tan a si thu theih a si, Tun dinhmunah Myanmar MP (member of parliament) 20 leh Chin state Chief Minister telin, Myanmar raltlan 10000 luan cu Mizoram hmun dang dangah an um hrih a si.

March thla ah khan India cozah pi cun Myanmar ram ih sin India ramri kanih ram mi pawl cu kham dingin leh lut zo mi khal kuat tlung sal dingin Northeast state-pawl cu a nawr ih. Sinan, Mizoram state cun maiih minungpi leh unau harsatnak thei lo vekih um a theih lo thu, Chief Minister leh MP ten central lam an sim ih, sawmdawlnak pe dingin an rak dil sawn a si.

 

Author: admin

Leave a Reply

Your email address will not be published. Required fields are marked *