Lockdown ruang tirawl chaantu Hniarlawn khuami minung 13 SAC ralkap nih an tlaih hna

Lockdown ruang tirawl chaantu Hniarlawn khuami minung 13 SAC ralkap nih an tlaih hna

———————————————————

Hakha khua um Hniarlawn khuami 13 cu an khua lockdown a sau cang ca ah khuami tirawl chaan ding in an kal i August 18, 9:30 AM hrawng ah SAC ralkap nih an tlaih hna i zaanlei suimilaam 4:30 tiang ah an thlah rih hna lo, tiah kan theih.

Lockdown caan a sau cang i tirawl eidin ding an chambau cang. Khuami nih tirawl i chanh khawh nakhnga nihin te hi phihkhar mi an hon. Thilri zong cu khua chung luhter rih loin khua pawng ah chiahtak i sii hna kah hnu, ni 3 hnu ah laak te ding in an timhtuah mi a si. Tuzing ah light-truck motor 4, kethum motor (tungbing) 2 le motorcycle 4 tiin chanh ah an kal i an rak tlaih hna hi a si,” tiah min langhter lo mi pakhat nih The Hakha Times ah a chim.

Tirawl chaan ding ah a kal mi minung 13 cu Chin Ramkulh Cozah Minister Housing (Vuanci Innyar) gate a hngak mi SAC ralkap nih an tlaih hna i zaanlei suimilaam 4:30 tiang ah an thlah rih hna lo ca ah Hniarlawn khua upa hna le Biaknaklei upa hna nih thlahpiak ding in an tawlrel lio a si, tiah kan theih. The Hakha Times,  #Photo. Hniarlawn khua (facebook)

 

Author: admin

Leave a Reply

Your email address will not be published. Required fields are marked *