Thantlang Peng Lautu CDF Pasal Tha Nih Mipi Ralrinnak A Pek Mi Zulh Hrimhrim Ding

Lautu-CDF nih Mipi Zulh Awk Cathanh an Chuah.Thantlang peng, Lautu hmunram ah a ummi hna le khualtlawng hna nih zulh ding CDF-Lautu nih tuzaan ah an chuah.SAC ralhrang thawngpang pek, rawldangh le bawmhnak pek lo ding.Lautu hmunram ah motor in khual a tlawngmi hna nih motor thlalang nan khar lai lo, muka zong in nan khuh lai lo.

Zaan 7:00 in zinglei 4:00 karlak khual nan tlawng lai lo. Hi caan khualtlawn/lengchuah a duhmi nih CDF-Lautu sin thanh hmasa ding.Lautu hmunram chung COVID-19 checknak gate pawl i mipi ngandamnak kong tawlreltu committee hna nawl zulh ding.A herh huaha lo ah khualtlawn lo ding. Khualtlawn duh tik ah khuachung ttuanvo ngeitu sin ah thanh hmasa ding.A cunglei nawl a zul lomi cu CDF-Lautu nih dantatnak pek nan si lai, tiah thawngthanhnak an tuah.

SAC ralhrang nih Mindat peng khuate kiangkap ah mortar bomb in nitin in an kah hna caah khuami tampi nih ruahsur le thlihran lak ah an innlo an chuaktak i ramlak ah an zaam tthan hna.Mindat-Matupi karlak lamkam khuate pawl nih August 13 thawk in SAC ralhrang ttih in an khua an zaamtak hna.

Ralzaam bawmtu WFP le UNICEF tibantuk pawl Mindat khuapi ah cun an phan ko nain khuate lei bawmhnak pek ding in an onh hna lo caah ramlak ah a zaammi Mindat ralzaam hna eidin le sii-ai kong ah lungrethei dirhmun ah an um hna.English, Villagers from Chin State’s Mindat township fled their homes as Myanmar junta forces wantonly fired several rounds of mortar which landed in the vicinity of villages along Mindat-Matupi road.

Credit: The Chin Journal

Author: admin

Leave a Reply

Your email address will not be published. Required fields are marked *