Khua Hauka Duty Tuahtu Ralhrang Palek Pawl Cu Bomb In An Phomh Hna Caah

Thawngpang dangdang: Salin khua hauka hngak palek pawl bomb puahhnawh an tong, 1 thi, 2 hliam.August 17, Magwe Ramthen Salin-Mibu motor lam Salin khualuhnak hauka ah bomb a puak i a hngaktu SAC palek 1 a thi, 2 an i hliam.”Hi hauka hngak mi palek hi 7 an si. Pakhat a thi i pahnih cu an hliam ca ah an i thlop,” tiah khuami nih an chim.

CDF-Mindat kahdohnak ngol kar ah pumpululh celhnak in an i hrim.August 17, CDF-Mindat pawl cu kahdohnak a daih kar ah pumpululh celhnak in an i hrim tiah theih a si.CDF-Mindat le SAC ralkap cu atulio hi nifatin in an i kah lio a si. SAC ralkap nih hriam ngan zong an hman. CDF-Mindat lei in aa hliam mi 3 hrawng an um nain SAC ralkap lei cu a thi mi le aa hliam mi an tam.

Yangon Kamayut Peng ah Dalaan Tin Hla cu aho si hngalhlo mi hna nih August 17, 5:00 AM, meithal in acal (calpadar) ah an kahthah, tiah Kamayut Information nih a thanh.

 

 

SAC nih an Kahmi hna Kanpetlet Pafa ca ah Bawmh Halnak.Nizan (August 15) ah Kanpetlet peng, Kantharyone khuate ah SAC ralhrang nih meithal in an kahmi hna pafa lakhruak in bawmhnak pek an herh caah Kantharyone Baptist Khrihfabu Pastor Thang Hung nih Lai mipi sin ah bawmhnak a kan hal.


Nizaan zinglei ah Kanpetlet SAC ralhrang kahmi meithal kuan nih innchung ah a itmi pafa a khen hna.A pa Pu Thang Thung (kum 30) hi meithal kuan 3 nih a kee, a phei le a paw ah a khen i a zualhma deuh ngai. A fapa te hi Naing Thang (kum 2) tiah auhmi a si i, a hnawng ah meithal kuan nih a khen ve.

Magwe sizung ah Kanpetlet Red Cross nih an kalpi hna i, an pafa in an thi tam tuk a chuah caah thisen zong an rawnh hna. Chungkhar khuasaknak lei ah lothlawh in a paw aa cawmmi an si i, khuapi sizung ah an chungkhar tein an panh tik ah azeilei paoh in an chambau. COVID-19 pulrai le ral lak kan si bang in an khua khrihfabu zong nih umkalnak le lampi ei awk dahtilo an rawnh kho ve hna lo.

SAC ralhrang kut tuar in Magwe sizung ah a phanmi a cunglei pafa bawmhnak ah kutsamh a duhmi nih a tanglei phone ah direct in chawnh khawh a si i, Wave Money zong in tangka kuat khawh a si.
Pastor Thang Hung (Laiholh a thiam)
Kantharyone Baptist Church
Phone: 09759224987
WaveMoney: 09759224987

Author: admin

Leave a Reply

Your email address will not be published. Required fields are marked *