Falam Peng, Taal Khua ah SAC Ralhrang nih Biakinn an Tlok, Innzuat Sattil an Thah Dih

Falam Peng, Taal Khua ah SAC Ralhrang nih Biakinn an Tlok, Innzuat Sattil an Thah Dih.

======================

Falam peng, Taal khua ah SAC ralhrang pawl ni 5 chung an caam i biakinn telh in innchung thilri an tlok dih hna, Khuami hna i innzuat sattil vialte zong an thah i an ei dih hna, tiah khuami pakhat nih a chim.

Biakinn chung ah an duhduh in an lut. Biakinn chung zong a rim a chia dih cang. Khuachung inn pawl zong meithal in an kah dih hna. Inn 20 hrawng hi cu a thar in sak tthan an hau lai,” tiah a cunglei khuami nih a chim.

Atutan hi SAC ralhrang nih Taal khua a voi hnihnak an luh hnawh a si. Aluancia July 22 ah SAC ralhrang pawl Taal khua ah an rak lut i, inn 26 chung ah inn 21 an bauh. Tangka le thilri tampi an fir/an hrawh dih hna.

July 22 lio ah SAC ralhrang nih Taal khuachung thil an hrawhmi le an firmi hi azapi ah ting 150 MMK man a si lai, tiah khuami nih an ruahdamh. Credit The Chin Journal

 

 

 

Author: admin

Leave a Reply

Your email address will not be published. Required fields are marked *