TALIBAN TEN KABUL TIH LO KHAWPI PAWIMAWH AN LA THLUH ZO

Taliban firfiakte cUN Afghanistan khawpi, Kabul tih loh khawpi pawimawh dang pawl cu ralkap kut ih sin an laksak thluh zo.

Khawsak lamih khawpi pawimawh, Jalalabad cu mini ah khan firfiak pawlin ralkap thawn doawloin an la ih, cu mi hlante ah hmarlam ih hmun pawimawh, Balkh province khawpi Mazar-i Sharif an rak la zo a si, Jalalabad governor cun dokahnak a thlen hlanah khawpi hi Taliban pawl hnenah a surrender nghal ih, hi mi hi civil mi pawl nunnak humhimnak ding hrangih a tul thu a sim ih, Hi ruangah hin meithal hmetpuak tul lo in  firfiak pawlin Jalalabad khua hi an la nghal a si.

Cozah Ralkap pawl an cang that loh ruangah president Ashraf Ghani cu bangin an nawr nasa ih, Afghanistan interior ministry cun Taliban-pawlin Kabul khawpi hi luh an tum thawk thu mini ah khan a sim. Khawpi pawimawh dang pawl an lak thluh zo ruangah, thuneihnak pumhlum neih tumin Kabul hi lak an rero a si.

Hmun dang dang ih sin Kabul khawpi hi luh an tum a si tiin an sim. Hitih lai ah hin khawpi dangih ralkap  leh firfiak pawl doawknak ruangah Kabul-ah hin mi tam tak an tlan lut ih. umnak mumal nei lo mi tam tak an um ih, khawpi sungah umnak puan an zarih, ei leh in lamah khal harsatnak an tawng tiin an sim.

Author: admin

Leave a Reply

Your email address will not be published. Required fields are marked *