Samaria Mitha Rev. Dr. Aung Myint Thang Nih Yangon CCCC Caah A Inn A Hlangh Hna

Yangon CCCC caah Rev. Dr. Aung Myint Thang nih a inn a hlanh hna.Chin COVID-19 Rescue Team (Joint Program) nih tawlrel mi Chin COVID-19 Care Center (CCCC), COVID-19 mizaw hna zohkhenh nakding ah Rev. Dr. Aung Myint Thang nih a inn a hlanh, hna tiah kan theih.Hi kong ah CCRT, Chinland Foundation le LCB President Rev. NC Thawng Tha Thang nih atanglei bantuk hin a facebook cahmai ah a langhter.

Rev. Dr. Aung Myint Thang sin lung lawmnak 𝐂𝐑𝐒𝐧 𝐂𝗼𝐯𝐒𝐝 π‚πšπ«πž π‚πžπ§π­πžπ« – 𝐂𝐂𝐂𝐂 Quarantine center kan ngeih lo ahcun kan si thiam bak lai lo tiin kan lung a rak fak peng. Kawlram rambuai ruangah Yangon ah quarantine center a hau hman nih an on ngam lo ruang ah lung awtawm in kan um peng hna.Atu Chin mi dihlak huap Chin Covid Rescue Team (Joint program) cu dirh a si bak in quarantine center cu a har tuk bu zong ah tuah ding in biachahnak kan ngei.

Khoika dah ka tuah khawh lai tiin lungrethei kan um lio ah, Chin mi dihlak i kan pa pakhat a si mi Rev. Dr. Aung Myint Thang nih β€˜ka innpi hi hmang u’ tiah a kan ti. Kan miphun chanhchuah nakding ahcun, zei bantuk harnak le hna hnawhnak paoh kan suk khawh ko lai, Kan mipi hna thih hi lungfah nih a celh ti lo tiah a kan ti. Kawlram ah second wave le third wave kha thla 4 lawng a rak i hlat, Rambuai lio a si bantuk in third wave hi fak tuk in kan tuar, third wave le fourth wave hi aa peh sual lai ti hi thinphan dai lo in kan um,

Cu lio i kan miphun chanhchuahnak ca i mission lian cem a si mi quarantine center pi cu Dr. Aung Myint Thang hmang in Pathian nih a kan pek.Miphun le a minung hawi hna caah hi tluk tihnung rai, ah campus chung tiang raltha te le siang te in a kan hlantu Dr. Aung te chungkhar Pathian nih thluachuah pe ko hna seh. Quarantine center min cu CCRT nih Chin Covid Care Center (CCCC) tiah min pek a si.

Thawng Tha Thang

Author: admin

Leave a Reply

Your email address will not be published. Required fields are marked *