Khuaruahhar Vawlei Cungah Vanlawng Ai Awk Mi Cu Kabul Khua Mipi Lawng An Si Rih lai

Kabul Khua Khuaci a Mui: US Ralkap Vanlawng ah Kabul Khuami pawl an i Thlai Hna.Taliban nih Afghanistan ram khualipi Kabul khua an lak hnu ah Kabul khuami tampi nih Taliban uknak zaamtak ding in Airport ah an i pong hna.

Kabul Airport hi US ralkap nih atu tiang an control rih. Afghanistan ah rian a ttuanmi US rammi pawl US lei ah phorh dih ding in Airport an control chung hi a si. Afghanistan rampi President Ashraf Ghani zong ramdang ah a zaam cang.

US nih Afghanistan in a ralkap pawl a lak tthan hna hnu ah Taliban nih Afghanistan rampi dihlak in an lak dih colh.August 6 ah Taliban nih Nimroz ramkulh an rak lak hmasa i, August 15 ah acozah tthutnak khualipi Kabul an lak.

US le NATO nih tangka tampi dih in kum 20 chungpi Afghanistan ralkap an cawnpiak hna nain ni 10 chungte ah Taliban nih an tei colh hna.

Credit:The Chin Journal

Author: admin

Leave a Reply

Your email address will not be published. Required fields are marked *