India Cozah Nih Kawlram Caah Covid-19 Sii Le Thilri A Kuat

India Cozah Nih Kawlram Caah Covid-19 Sii Le Thilri A Kuat Kawlram chung covid-19 zawtnak vennak, doh le zohkhenhnak caah India cozah nih an bawmh mi sii le thilri hna cu a voi 1 nak caah August 15 ah Kawlram ah kuat a si.

India cozah nih voi 1 nak an kuat mi hi oxygen concentrator (51), Pulse Oximeter (900), Patient monitor (10), surgical mask (300,000), Nasal oxygen cannula (25,000), RagT test kit (18,000), body bag (385) le PPE coverall (1760) a si.

Thilri phun 8, ton 5 rit cu August 15 ah Myanmar National Airline, chanchuahnak vanlawng he New Delhi in Yangon ah kuat a si.Thilri kuat mi hi Yangon international airport ah ngandamnak vuanci zung, zohkhenhnak lei tuanvo ngeitu Dr. Thidar Hla le rianngeitu hna nih an cohlan tiah New Delhi, Myanmar embassy nih a thanh.

Credit: TCP

Author: admin

Leave a Reply

Your email address will not be published. Required fields are marked *