COVID-19 US- AH SIZUNG IH RET TUL NAUHUAK AN TAM SIN SIN

US-ah covid hri lengin ziaum lam a pan hnuah Delta variant ruangih hri kai thar an pung chak nasa ih, nauhuak  lakah hri kai Sizung-ih ret tul mi khal an pung cak nasa.

US Department of Health and Human Services (HHS)-in Inrinni liam ta ih data a tisuak mi ah, kum 12 hnuai lam hri kai ruangih sizung ih kilkhawi rero lai mi cu, 1,902 an kim tiin a sim, Hi mi hi coronavirus kaihhnawih ih sizung ih tuamhlawm mi lak ah 2.4% an kim ban a si.

US-ah hin kum 12 hnuai lam pawl cun Covid vaccine an la ve thei rih lo ih, curuangah hin hri leng a karh thar leh ruangah an dinhmun khal a tihnung um phah tiin an sim bet a si.

Health official leh disease expert-pawl cun America mi pawl cu vaccine la tha dingin an ngen theu ih, Delta variant darh leh ruangah hri kai, thihpi leh sizung ih ret tul mi khal an pung vivo tiin an sim,  Hri leng thar lehah hin, a bikin vaccine pek suah malnak Arya ah hin an tuar nasa a si tiin an sim, White House chief medical adviser, Dr Anthony Fauci cun tu ih hri leng rero lai mi cu vaccine la lo pawl lakah a karh a si, a ti.

US mipi, vaccine la thei chin zinga 50.5% cun dose kimin an la zo ih, dose khatnak lawng la hi 59.4% an um hrih a si. Hitih lai ah hin  mi million tel in vaccine la duh lo an um rero lai a si.

Author: admin

Leave a Reply

Your email address will not be published. Required fields are marked *