AFGHAN LE TALIBAN THAWNGPANG TAWI

Kum 20 tluk an thlah cang mi Afghanistan le khualipi Kabul cu Taliban nih August 15 ah an lak than. Nawlngeihnak i phawtzamh ding kong ah Council ser i dai tein nawlngeihnak i pekchanh ding an i tim cuahmah.

Afghan mi nan dihlak nan thinphang hlah u. Nan limhaang, sining le mah le mah i upatnak vialte kan in runvenpiak hna lai, tiah Taliban tapung hriamtlai nih bia an kamh hna. Nitlaklei ram pawl nih an rammi le Embassy pawl lak a timh hna i US ralkap nih Kabul Airport fekthup in an venhim.

Hi buainak lio ah Russia le Turkey cozah nih cun Kabul ah Embassy zung pehzulh in hon a timh. Taliban phu hi theihpi/cohlan colh lo ding in ram hawikom pawl zong ka sawm hna lai tiah UK Prime Minister Boris Johnson nih a chim.

Afghanistan President Ashraf Ghani an ram in a zaam hnu August 15 ah Taliban tapung pawl President Office ah hmunhma an laak lio hmanthlak. Kabul khuapi International Airport ah minung an khat. Mah ram cio ah kir aa tim mi le Afaghan pawl ram in zaam aa tim mi tiin an khat.

US nih a ralkap le rammi riantuantu a laak manh lo mi hna chanhchuah ding in ralkap 6000 a thlah cang, Kabul Airport le US Embassy hrawng cu Taliban nih hnursuan khawh lo ding in US ralkap nih fekthup in an runven. Credit The Hakha Times,

 

Author: admin

Leave a Reply

Your email address will not be published. Required fields are marked *