Sagaing region Sungah Case Titawp Dingin Dil 300 Tlun Um

Sagaing region sung, township 37, police station-ih tukum January thla ih sin thubuai an theh luh mi leh cu mi thu thawn pehparin  an case titawp dingin leh ngaihtthiamnak dil ih thu neitute hnen ih an thlen mi zat cu  August ni 13 tiang ah khan mi 300 tlun an um zo tiah theih a si.

Thureltu pawl lakih pakhata Magistrate pakhat cun, “Tun lai politics boruak ruangih thil dang dang ih tel leh thubuai nei pawl cun a tel ve nak san pawl leh a tum mi ca ih ngan in, thubuai lakih sin ngaithiam ih titawp dingin dilnak pawl an rawn dil bik a si,” tiin VOM media sim a si.

 

District administration council pawl member pakhat khalin,”Hi vek ih dilnak rawn theh lut pawl hi mah leh bulpak rori an si rualin, nu leh paten an aiawh ih rawn dilsak khal an um. Hrekkhat cu Pa bik a relh ruangah an nupi in run dilsak mi khal an um,  Thil danglam deuh mi cu Nupa ih tlan/ relh an fate rori ra ih run dilsak mi pawl an si tiin a sim cih.

Hi vek ih dilnak theh luh mi pawl cu thu reltute lam in an zoh fiang ding ih, thubuai ih sin fihlim thei dingin kaihhruainak, dan leh thupek kengkawhtu pawl thawn zoh tlang ih, an thuhla relsak an si ding tiah theih a si.

Author: admin

Leave a Reply

Your email address will not be published. Required fields are marked *