Nihin Mindat Kahdohnak ah SAC Ralhrang 20 Leng an Thi

Good news i lawm hna usih, Nihin (August 15) ah a cangmi Mindat-Matupi karlak meng 16 zawn kahdohnak ah SAC ralhrang 20 leng an thi, tiah CDF-Mindat nih thawngpang an chuah.

Nizaan meng 14 zawn kahdohnak zong ah SAC ralhrang 7 an thi cang. Nihin ah ralhrang 20 an thih pin ah a dang 15 hliam fak an pu, tiah an langhter chap.

Nihin kahdohnak ah CDF-Mindat lei in hliam (fak lo) a pumi cheukhat an um tiah tuan ah an langhter i, a nunnak a liammi an um le um lo theih a si rih lo. Crdit The Chin Journal

Nihin zaanlei sml. 5:00 hrawng ah Yangon, Insein lei ah a kalmi khuaveltu tlanglawng cung ah SAC palik paruk meithal in kah an tong i pali an thi.

A thimi palik 4 ruak cu Kyihmindaing tlanglawng dinhnak hmun ah SAC nih an lak hna, tiah khuami pakhat nih a chim. A thimi palik 4 i an meithal pawl cu a kaptu mibu nih an lak i an i kalpi.

 

Author: admin

Leave a Reply

Your email address will not be published. Required fields are marked *