Chindwin sak lam township 4-ah Tekin MPT Tower a den ruangah, phone hman thei lo

The Tahan Post in a tarlan danin  Sagaing region, Hongmalyin twonship-ih MPT Microwave tower zawmnak hri pakhat cu tekin a deng fuh ruangah, Chindwin sak lam township 4-ah MPT mobile phone line a hman thei lo thu Hongmalyin tualsung mi pawl hnen ih sin theih a si.

Tualsung mi pakhat cun, “Ni 12 zan lam ih sin Hongmalyin, Khamti, Layyi, Lahe township 4-ah MPT phone line a hman theih lo ih. A siatnak hi nazi 40 a si zo,” tiin a sim. Cutiih phone line a siatnak san cu Naylun Nanauh khua kiang MPT Operator Tower cu tekin a den fuh ruangih a hman theih lo thu, Sagaing Station MPT staff pakhat cun a sim.

Hongmalyin khua sumdawng pakhat cun, “Bungrua cah dingin phone line dang hman a tul ih, in run petu ding leh mi dangin kan MPT number lawng an thei ih, biak tlang awk a har nasa can khal a duh rei phah a si tiin a sim.

Cutih rualin cozah department lamih taunt pawl khalin, tu hlan ih sin MPT lawng rak hmang an si ih, an buai phah nasa ih; tin Chindwin sak lam khuaah MPT cu lut hmasa bik a si vekin a hmangtu khal an tam ih, line a that lo cun harsatnak tawng khal an tam theu a si tiah theih a si.

Author: admin

Leave a Reply

Your email address will not be published. Required fields are marked *