Military Council Ralkapin Civil Mi Pakhat An Thah Dan Kimcang

Military Council Ralkapin Civil Mi Pakhat An Thah Dan Kimcang, The Tahan Post in a tarlan danin, Chin state, Falam township Pahmunchuang khua (Natchuang-Weibula) lamzin ih um fa 3 nei pu Joshua cu August ni 12 ah khan ralkapin an kai ih, a tukhumah an kap ih, a thi nghal tiah theih a si.

Hi mi thil thlengah tualsung mi pakhat cun, “A nupi thawn an tiaw thiam lo ruangah, zu in dingin Chaungkuah lamah a feh ih. PDF lam Commando kawr an hruk theu ruangah military council ralkap pawl cun PDF lam hmang mawm tiin a va pan hnai ih, anrak kai a si.

Cu mi hmun hrawngih um khua sung mi pakhat cun a hmu ih. Ralkap pawlin hriih tawn an thum cu a tal ih,  an buai deuh laih hman ih, si nan vawi khat an khawng ih, kap that dingin thupek dil a si lai ah pakhatin a hnung lam ih sin a tukhumah a kap ih, meithalmu cu a kaah suakin a kut a fuh bawk ih. Joshua in fa 3 a nei ih, a nauhuak bik cu thla 3 mi te fang a si,

Zan thim tiang roriin kahawknak a suak ruangah a ruang cu a thaizing lamah an hlawm ih, zing nazi 10 hrawngah a ruang cu khua sung mi pawl leh upaten an vui liam a si. Joshua an thahnak hmun cu Chuangkuah khua lan, Kalay-Gangaw lamzinpi ih Pahmun leilawn pawnte ah a si, tiin a sim.

August ni 12, miniah Natchuang kahawknakah hin PDF lamah pakhat hliam leh thi an um thu theih a si ih. Ralkap lamah 3 an thih thu PDF-Kalay lamin thusuah an tuah a si. Tusun lam ah cun kahawknak a thleng lo ih, boruak khal a reh hrih nasa tiah theih a si.

Author: admin

Leave a Reply

Your email address will not be published. Required fields are marked *