Kalaymyo Kangthelh motor kangthelh Hnuah Palpuah bomb-in beih tawng

Kalaymyo Kangthelh motor kangthelh Hnuah Palpuah bomb-in beih tawng, Sagaing region, Kalaymyo fire department motor pakhat cu mini zing lamah a kang thelh theh chiah a tlung lam cu lamzinah  palpuah bomb hmangin beih a sih thu Kalaymyo tualsung mi pawlin an sim.

Kalaymyo fire department-ih hnatuan pakhat cun, “Fire department lamin kang mei a suah thu zing nazi 6:50 hrawngah an thei ih, kangthelh motor pakhat leh kangthelhtu (firemen) 4 cu kang mei suahnak hmunah an tlan nghal ih. Nazi 8:30 hrawngah mei kang an thelh theh tlung lam, 8:45 hrawngah bomb-in beih an tawng ta a si,” tiin a sim.

Mini zing lam khan Kalaymyo, Kalay-Gangaw motor Zinpi mel lungphun 73/3 leh 4 karlak leidawh no. 2/73 parah Tyer ret khawm ur a si ih,  cu cu Kalaymyo fire department lamin an va thelh mit ih, cu mi ih sin an tlung lam cu Zinkalay khua hmarsak a thleng cu palpuah bomb a pal a si tiah theih a si.

Cu mi kangthelh motor (fire engine)-ih cuang firemen te cu hliamhma tuar lo hman sela, motor cu a ti siat nasa ih, thlalang leh a khawl pawl cu a siat tel tiah theih a si.

 

Author: admin

Leave a Reply

Your email address will not be published. Required fields are marked *