Ralhrang Cozah Kan Tei Ni Cu Mipi Nih Federal Kan Hmuh Ni A Si Lai

Ralkap kan tei ni cu federal kan hmuh ni asi lai.Kan kawlram kong ah Ka thin phan ngai mi pakhat cu Asia ram cheu khat hna thluak put hi asi.Ralkap uknak hi mipi le tlangcung hriamtlai hna i bawm in kan doh taktak tik ahcun ramchung buainak cu afak ve ko lai. Cu tik ah kawl ram ah company le chawhleh thalnak rian ngan a ngei mi Asia ram cheu khat hna nih an chawleh thalnak le company rawh lai phan ah heh tiah aa kan tlangtlak te lai.

Asia ram buainak ahcun nitlak lei ram le UN nih direct in tlangtlak loin Asia ram zulhphung ningin Asia ram nih tlangtlang hmasa hi asi ve.Ralkap uknak kan doh lam can ceo hrawng ah Asia ram hna nih cabuai cung ah i caih tih dingin an holh len hoi te lai. Abik in Tuluk le Rusia nih ahruai hna lai.Atu kan buai mi cu zauk phung he aa pehtlai mi asi caah ahlan bantuk zauk phung le 2008 phunghram tang bantuk sawhsawh cozah uknak men si ti loin federal uknak tling hmuhnak kha kan buai pimi asi.

Ralkap uknak kan hrawh lio ah Asia ram chawlehthalnak ngan le company tampi cu ahnur suan hrim lai. Cucu Asia ram nih an tih tuk lai caah Ramchung daihnak caah tiin cabuai cung ah federal caih ding in aa kan tlangtlak sual te lai ka phang.Kawl ram ramkheel um tu ning zoh tik ah Federal hi cabuai cung le hluttaw thutden cung men in caih awk tha mi asi ti lo. Lam caan lam arau chin.Ralkap nih hin mipi sin in cohlannak mandate a kawl lai, cucu i tuk kah lio ah aralnak in a sual lomi mipi tu kha harnak apek deuh hna lai i mipi nih an celh lo tuk ahcun ralkap ah an tang than kho men. Mipi an tuar tuk ahcun kan i tinh mi kawltung phak hlan ah cabuai cung le hluutaw thutden cung ah federal kong caih than ding kir than a si sual lai ka phang cia.

Cucaah kan duh mi federal uknak hi zei cozah le hluttaw hmanh nih pek ding le ding lo kong kan caih piak hna hlahseh, kanmah tein kan i lak khawh hrim lai, Hluttaw le cozah nih cun kan lak mi federal kha an cohlan i theih pi lawng an rian asi, caih piak aherhnak a um lo tiah ka ruah.Federal hi cabuai cung ah kut thlir vote in pek le hmuh mi uknak asi lo, nunnak le thisen in hmuh mi uknak asi. Cucaah ral kan tei ni cu federal kan hmuh ni a si lai tiah ka ruah ko.Cucaah kan tha chia hrim hlahseh,

Credit: Lai Ram Laipa fb cahmai.

Author: admin

Leave a Reply

Your email address will not be published. Required fields are marked *