Hakha Le Thantlang Karlak Ah CDF Nih An Kahthlak Mi SAC Drone Hi A Man Fak Taktak

CDF nih Tangka Ting 20 Man Hrawng SAC Ralhrang Drone an Kahthlak.Nizaan tihni (August 11) zaan ah Laikua in meng 16 a hlatnak hmun ah CDF nih SAC ralhrang drone pakhat an kahthlak.CDF nih an kahmi Drone hi Myanmar tangka in 2,000,000 ($1,200) man hrawng a si i, Tuluk ser DJI Mavic Pro Platinum Drone a si.

1.6 pounds a rit i, 4K Resolution le Zoom 100-400mm tiang a ngahmi camera an tarh chihmi a si. GPS zong a um chih. Falam, Hakha le Thantlang karlak Laikua Tidil in meng 16 a hlatnak hrawng ah CDF nih tla lak in an kahpiak hna hi a si.

Thawngpang dang: Hakhalay Khuami Pu Sum Lian Thawng SAC Ralhrang nih an Thlah Than.Nizaan (August 12) ah Hakhalay khua kiangkap ah SAC ralhrang nih an tlaihmi fa 2 ngei Pu Sum Lian Thawng cu nihin zinglei ah him tein an thlah tthan, tiah thawng kan theih.

Kahdohnak a chuah lio ah Pu Sum Lian Thawng hi Lo in a tlun lio a si i, SAC ralhrang nih an rak tlaih.Khuami pakhat nih, “Pu Sum Lian Thawng hi mipumrua fate a si. Miping ngai zong a si i, an tlaih lio ah hin a kut hri in an ttem i cuticun Natchawng lei ah an kalpi. A sining le a konglam pawl zong SAC ralhrang a chimh hna i ka thlah tthan ko u tiah a nawl lengmang hna hnu ah nihin zinglei ah an thlah tthan,” tiah a chim.

Pu Sum Lian Thawng te unau hi ngakttah an si pin ah a fale pahnih le a naule a cawmkengtu fa upa a si caah SAC ralhrang nih an zaangfah i an thlah tthan zong a si kho, tiah a cunglei khuami nih a chim chap.
Pu Sum Lian Thawng cu Hakhalay ah him tein a phan tthan cang.

Credit: The Chin Journal

Author: admin

Leave a Reply

Your email address will not be published. Required fields are marked *