Charity Show Hrang Hmunkhat Ah Benjamin Sum, Vanlalsailova, Jeje Nei Ding

Myanmar hlasakthiam lar Benjamin Sum, Mizoram hlasakthiam lar Vanlalsailoa le India milar Jeje pawl cu Charity Show hrang hmunkhat ah caan an hmang tlang. Caan an hmantlangnak san bik cu Mizoram TV Channel picang pahnih Zonet le LPS tuantlang in Charity Show an tuah dingmi hrang timtuahnak le thehlarnak hrang a si.

Nuamtol ih umkhawm men an silo ih,harsa bawmnak ding hrang theitawk tansuah in caan an hmangtlang. Tuitum ih an hlasakmi cu an umkhawm caan ih an sak duak menmi a si hrih. An lakah midang lar tambik khal an um. An zate harsa bawmnak hrang timtuahnak nei an si.

Hlasakthiam Benjamin Sum cu a nu’i harhdamnak thu ah Mizoram ih umhrih a si ih, Mizoram mipi pawl in thazang an rak pe thiam lawlaw. Hlasakthiam an ti tlunah a nuncan le umdan cu an uar in an duh tuk ih, a cangvaihnak ziangkim cu zohnuam ,thlir nuam an tituk. Pathian a tihzahnak khal mipi in an uar phah tukih,a nun ah zir ding a tam tiah amah uartu pawl cun an rel. Mizoram a umsung ah Myanmar raltlan hrang ting 60 lenglo le Chinmi raltlan hrang sumpai tamtuk a rak pe rero zo.

Vanlalsaia cu Mizoram hlasakthiam cuai thei lo a si ih,tualte vanglai ihsin lar zo cu tuisun nitiang Mizoram mipi tlunah Chin mipi lakah a cuai thei hrih lo, a lar vohvoh lai. Jeje cu Bawhlung sitthiam a si ih, India rampi aiawh khalin lek rero zo le India club ropi phunphun khalah a lek ban. Tuitum ahharsa bawmnak hrang timtuahnak nei in an umkhawmnak ah an pathum ten mipi a awi ve. A hnuaiah video –

Author: admin

Leave a Reply

Your email address will not be published. Required fields are marked *