Pu Kim Yo Jong Nih Ka Ram Le Mipi Rawktu Hi Zeicang Thil Si Lo In US Le SKorea Hna An Si

N.Korea le S.Korea ram pahnih i chawnhbiaknak caah hotline an hon zarhkhat hrawng a liam hnuah S.Korea nih hotline in N. Korea a chawnh mi cu a let duh lo tiah South rianngeitu hna nih an chim.Hi thil hi Kim Jong Un farnu Kim Yo Jong nih S.Korea le US nih raldoh cawnnak tuah chih an timh mi cu thil tha a si lo tiah a chim hnu tlawmpal ah a cang mi a si.

Kim Yo Jong nih US le S.Korea ralkap hna thil tuah ning cu kan ram mipi le Penisula boruak a chiat ter tu a si.Kanmah zong nih kan thil ngeihmi tha tein kan thuam ve lai tiah a chim.Korea ram pahnih kar hotline an hon tlawmpal ah US le S. Korea hna nih raldoh cawnnak (military drill) ngeih an timh ti theih a si i, mah hi N.Korea nih a duh lo ngai mi a si.

Korea ram pahnih hna hi kum 1953 kahdohnak a daih hnu zongah atu tiang remdaihnak taktak an ngei kho rih lo. An pahnih in hotline in i chawnhnak tuahin ni 1 ah voi 2 an i chawn ton nain 2020 kum chawhbiaknak a rawh hnuah hotline zong khar a si.Mah hnu tlawmpal ah ram pahnih an i rem khawh deuhnak caah an sak mi in-korean border office cu N.Korea nih bomb in a hrawh.

Atu tan ah South Korea President Moon Jae-in nih Kim Jong-un sin ah i pehtlaihnak tha deuh ngeih dingin a nawl caah hotline hi kan hnu thla in hon than a si nain, hmaizarh chungah tuah ding mi US le S.Korea military drill ruangah N.Korea lei nih a chawn duh lo tiah theih a si.North Korea nih Korewan peninsula ah US ralkap a um mi cu a duh lo ngai mi a si caah US cu peninsula ah um lo dingin a nawl lengmang mi a si tiah NDTV nih a chim.

Credit: TCP

Author: admin

Leave a Reply

Your email address will not be published. Required fields are marked *