Kan Pa Dr Hmuh Thang Te Thlacamnak An Tuah Lio Ah An Inn Hmai Ah Hi Thil A Cang

Chin USDP Chairman Dr. Hmuh Thang Innhmai ah Bomb Puak.Nizaan (August 11) zaan sml. 7:00 hrawng ah Thantlang khua ah a ummi Chin ramkulh USDP chairman Dr. Hmuh Thang innhmai ah bomb a puak, tiah thawng kan theih. Chin USDP secretary Pu Cung Bik nih, “Nizaan sml. 7:00 hrawng ah khan Dr. Hmuh Thang innhmai ah bomb a puah hi a si.A puakmi bomb hi kutcheh bomb a si,” tiah a chim. Innhmai bomb a puah lio ah Dr. Hmuh Thang te hi thlacamnak an tuah lio a si i, an inntang thlalangawng an kuai. Aa hliammi an um lo. The Chin Journal

Relchap: Kum 10 Chung Mipi Hmai Ah Hmuh Asi Lo Mi Than Shwe Le A Nupi Sii-Inn An Phan Kum 88 a si cang mi ralhrangbu hruaitu hlun Than Shwe le a nupi Daw Kyai Kyai hna pahnih cu ralhrangbu sii inn ihkhun (1000) Taikchaung ah an um tiah ralhrangbu lutlai pakhat sin in theih a si tiah bbc nih a tial.

Nizan August 10 zanlei in siizung an phanh ruangah cheukhat nih Than Shwe a thi tiah thawngpang an chuah mi hi a dik lo mi a si. Covid zong tha tein chek an si tiah a chim chap.

Than Shwe hi kum 2011 a rian in a din hnuah kum 10 chung mipi mit hmuh ah a lang lo mi a si i, Taluk communist party i ramleng pehtlaihnak vuanci Mr. Son Thong he 2016 Naypyitaw ah an i tong.

2015 rampi thimnak ah NLD nih teinak a hmuh hnuah Daw Aung San Suu Kyi le Thura Shwe Mann cu a ton hna hnuah 2019 June thla ah a tupa (Rtr) Thein Naing ruak nakah mipi hmai a chuak mi a si.

Credit: BBC

Author: admin

Leave a Reply

Your email address will not be published. Required fields are marked *