Kalay Pasal Tha Le Ralhrangbu Cu Hriamnam Ngan In An I Kap Caah Mipi Lei Pakhat A Thi

People’s Defence Force (Kalay) kahdohnak thawngthanh Nizan thokin Kalaymyo peng thlanglei Naatchuang khua chung ah rallokap an lut i chekhlat nak an tuah i Chin ramri ramri Pan Mon Chuang khua ah hmunhma la mi rallokap hna cu nihin zanlei sang ah ChuangKhuah,NaatChawngung lei ah i thial ding an kal pah ah PDF ( Kalay ) hna nih chunhnu suimilam 2:30 ah an kham hna i i kahnak a chuak.

Hi i kahnak ah zan suimilam 8:00 pm tiang i kah nak a um.I kahnak chungah kanmah PDF (Kalay) nih rallokap cu minung pathum kan thah hna i rallokap lei in hriamngan an hman caah PDF ( Kalay ) lei in minung pakhat a hliam.Rallokap phu hna cu NaatChuang khua ah pehzulh in hmunhma an la ko rih caah i kahdohnak hi pehzulh in a um khawh rih caah Kalay le Gangaw kar mawtaw tlungkal cu mawtaw thlalangawng on bu te le khua mi mipi kilveng tu hna theih in ralring tein nan tlun kal nak lai thawng kan in thanh hna.

 

Relchap: Kawlram Kong ASEAN Aiawh Tu Cung Ah Bialehnak A Phunphun A Um ASEAN nih an thim mi Kawlram Kong aiawh tu cu NUG nih a cohlan ko nain Kawlram chung i mipi lei phu hna nih an cohlan lo bantukin ram chung Minister pawl zong nih an soisel ve.

Brunei ram dang pehtlaihnak an hruai tu chang Erywan Yusof cu kawlram kong ASEAN aiawh tu ding ah August 4 ah thim a rak si.NUG chim nak nawl ngei tu Dr Sa Sa nih cun a si khawg chung in a tlamtlinh lai mi hmuh ka duh.Aiawh tu he pehtlai in rian tuan tti ding in timh cia kan si tiah a chim.Cun amah nih hin Kawlram kong ah a tha bik dir hmun ah a um tiah a chim chap.

“Rallokap nih uknak a lak hnu thawk in Erayan Yasof he biaruahnak kan ngei i pehtlaihnak lam pakhat kan onh” tiah Dr Sa Sa nih a chim.Asinain Kawlram Kong ah a cawlcang ve mi mipi lei phu 400 hrawng nih cun Erayan an thim duh lo nak a ruang cu NUG i an ruah nak chim nak nawl an pek hna lo ruang ah a si tiah ni nga ni i cathanh an chuah.Phu 400 tiah ti tik ah hin an mah i runvennak caah ti in zei bantuk phu dah an si ti mi cu fiang tein an langhter lo.

 

Nuhrin covo lei in ASEAN aiawh tu phu(APHR) zong nih Erywan cu aiawh tu bik ding in an thim mi cung ah soisel nak a um. Zei ruang bik ah ti ahcun aiawh tu lu bik an thim hlan June thla chung i Kawlram an um chung ah khan ralkap hruai tu pawl lawng he ton nak a ngei, ralkap nih 2020 thim nak a phi chuak cu cohlan lo in thim nak kan tuah than lai tiah an ti bantukin a chim mi zong APHR nih an langhter.

Aiawh tu Erywan nih cun Kawlram ka kal tik ah ton a herh mi paoh he ton nak ngeih a herh tiah a chim ko nain zeitik a kal lai fiang in theih a si rih lo.Rallokaap an hruai tu bik Min Aung Hlaing tu cu ASEAN aiawh tu he rian tuan ti ding in ready ka si ko tiah a chim.

Credit: The Chin Post

Author: admin

Leave a Reply

Your email address will not be published. Required fields are marked *