USDP Party Nih Pu Than Shwe Cu An Hloh Bak Ko Ne Hih Teh

U Than Shwe a thi, tiah Fake News Check Community nih a tial.Ralkap pawl an pu le an pi (nulepa) a si mi U Than Shwe cu August 10, 8:40 hrawng ah a thi, tiah USDP party Chairman U Than Htay naihniam minung nih an chim, tiah Fake News Check Community nih an tial.Hi thawng hi kan hlat hnu ah adik tiin kan tial mi a si. Adik lo ahcun zeibantuk thawng hmanh kan tial ti lai lo i nan i lungsi tiang ngaihthiam kan in hal fawn hna lai, tiah a voi hnihnak an facebook cahmai an tial than.

Relchap: CIA – Chin Independence Army: CDF Lautu Apupu. CDF Lautu APA CNA: Parallel Governments (15)Mi roling Pu Kio Luai le Salai Lian Hlun (Rev. Lian Hlun) hruai mi CIA asi. CNF hlan ah derh mi asi.Chinram Independent caah Lautu miphun nih hruaimi Dothlennak asi. CDF Lautu Thlarau hi culio ah aasem cang ti khawh asi. Chin Revolution Army a dot dot cu: Mi roling Pu Hrang Nawl, Mi Roling Pu Kio Luai & Pu Lian Hlun i CIA, CNF, CNA – CDF, CNO – CNDF. CIA nih Rezua Sakhan an lak. Lt. Col. Tin Sui zong Hnaring a phan. Tamda Tin Sui cu Kalay ah Taizinhmuh a tuan lio asi. Hnaring mi an kan pumh i Nan khuapa Pu Kio Luai ruang ah an kan ti. Ralkap cozah bawmh nak le thancho nak vialte phih nan si. Myone nan duh tuk zong ka theih nain Ralkap cozah chan ah cun asi khawh lai lo arak kan ti. Lt.Col. Tin Sui cu CIA hnu a zulh peng caah areng kai a fawi tuk ti asi. CIA nih Tin Sui cu Bochukci reng kan phan ter ti awk in thil a um. General reng sihlah seh law, Tamada zong lam lam.

CIA nih Chinram Independence kha an khel. Diaspora Jew asi mi, Ephraim cithlak Israel miphun kan si nak cu biatak tein an au pi. Chinram cu an hnin dih hihiar ko. Khuari bang an tur i hnim tlau bang an cawlh cang. Hriamnam zong phuntling an ngei ve. Mizo miphun nih Israel miphun kan si an ti hlan ah CIA nih an thawk hmasat ti khawh asi. CIA Chunmang tlin seh law, Chinram cu Israel ram asi diam cang. CIA cu India ram ah hmunhma lak in, Hakha, Thantlang, Matupi peng an cawl Cang bik nak asi. Pu Thang Sui he PEACE TALK an tuah hnu ah CIA cu kawlram ah an rak kir than.Pu Lian Hlun cu M.Div a cawn in aa lim hnu ah, Taiwan University pakhat ah Prfessor in a um. Chin Culture & Literature a cawn piak hna. Ramdang cawnnak sang ah Chin Culture & Literature cawn piak tu hi Pu Lian Hlun le Pu Steven Ni Kio hi an si. Bible Siang Inn pek than awk ah Taiwan in a kir than. Australia ah khua asa cang i Pastoralism le Mission lei tu ah Biatak in rian a tuan cang.

Pu Lian Hlun cu Lianchin hrin Fanthen Ramukbawi Pu Za Kulh fapa asi. Leitak ramuk bawi, Pu Mang Hnin hrin thlak, Pu Hre Mang Fanu, Pi Khin Than Zi hi a inn Chung nu asi. Ramuk bawi tefa ve ve aa thit um mi, hnu bik ka theih mi nupa an si.Indian Mara (Satlawng, Capi, Manghrin) nih LIANCHIN Hrin Lautu bawi cu an tei khawh lomi, ral tuk ding ah an i sawm. Ral an tei bal lo mi vialte an tei dih cikcek. Sihmansehlaw, an biakam ning in hranchaw an pe ti hna lo. Hnaring bawi nih Capi le Manghrin minung tam nawn an i kal pi hna. Cu caah Satlawng Ramukbawi fapa Hei Hmung caah Ramukbawi Pu Za Kulh Farnu Pi Ngun Kheng (Pu Lian Hlun ani) cu an rak thit. Pu Hei Hmung a unau Pu Ni Ling caah Hriangpi Ramukbawi fanu Pi Thluai Cin an thit than. Cu hnu ah LIANCHIN bawi an lung a dam ti asi. Pu Kung Mang, Hei Hmung Pa hla: “Lianchin Bawi Fanu, Pu Ngun Kheng hi rawlchuan tikhinh awk ah silo, Ral kut khiak piak awk ah ka thit mi ka bawinu te asi.

Pu Kio Luai cu PEACE TALK hnu ah Sui Thantlang ah khua asa. Bohmu Tetosin le Bohmu Theinhtaizaw chan ah Thantlang peng thongtla mi le Ralkap hrem mi tampi cu Pu Kio Luai nih a chuah mi hna deuh lawng an si. Politicians in Pastor ah aa merh mi hna hi, Rev. Dr. Van Ram Uk le Pu Lian Hlun an si.Pastor in Politicians ah aa merh mi hi Pu Kio Luai le Dr. Lian Hmung Sakhong an si. Pu Kio Luai Chin Evangelish minthang bik a rak si. Achan ah cun; Rual Uk te, Mang Hit te, Ngun Mang te nih an tluk hrim lo mi asi. Baisakup timi Pu Kio Luai nih a rak piak hmasa (Hnaring ah). Jesuh film asi. Cross ah an thah lio kha ka Ngakchia tu tiah in hluai mai in le lung hno ngai in, a tap mi kan farnu kan hnemh khawh lo mi kha Ni hin tiang ka mit thlam ah a cuang.

Credit: Saya Rung Kaw

Author: admin

Leave a Reply

Your email address will not be published. Required fields are marked *