Ralhrang Nih Hramhram In Mipi Cu Ral Ram Ah Duty An Tuahter Hna

Kawlram Pekhu ah SAC ralkap nih mipi hna cu a chang changin an duty ter cang hna, a tuah lomi cu dan an tat hna i a aiawh tu ding an kawl ter hna.Mah btk hi Chinram zongah a chuak te kho mi si caah mipi le Chin hriamtlai karah i theihthiamnak um a herhtuk, mipi nih an duh ruangah an duty lai lo,dantat ttih,hrem, thongtlak le thahnawn lai ttihah atam u nih an tuahmi si ko lai; a ruang cu,Chinmi ah dalaan/ ralhrang bawm duhtu taktak kan um lem lai lo.

Tulio Chinramah khuabawi le tlaang an ttuan duh ti lo caah khuapi nih zaangfah nawl in bochan,cathiam le pastors te btk an fial chih hna i khuapi nawl el ngam lo ah a ttuanmi an um len.Mah khuapi aiawh hna nih Ralhrang zong an ton,an chawnh, an eidin herhbau tbk an hal hna tikah an tuah piak ve hna caan um te lai,mah lo cun hrem le thongthlak,khuapi nih tuar ding tbk a um lai caah,khuanupa hruaitu hna zawn hi ruah piak thiam ngai haute lai, dolung le sobul kar um btk an si.

SAC ralhrang an khua an phan, kanmah dotu hriamtlai nan bawmh hna tiah khua nupa aiawh hruaitu an ti hna lai,Chin hriamtlai an rak phan lai,SAC ralhrang nan ton,nan chawnh biak,eidin nan zalh piak hna tiah ti an site lai caah dolung le sobul kar um btk an si ka tinak Cun tulio btk ah Chinmi kan i dawt thiam hau,rem lomi,rak huatmi le ralchanh rak ngeihmi um sual zongah i rawiphiar loding, cuka ralkap a dirpi tbk in tehteh fek umlo in i puh lo hau te lai.

A hlan lio ah kan rak i raal,rem lo mi zong kha,tulio kan tonmi caan ah hin cun,i ngaihthiam le i ruahthiam ding caan ah kan dir.Dalaan bak asi ko tiah tehte a fek bakmi hmuh le ngeih,tlaihmi hna cu, fimhlawm zong a herh, a nih cu mah cu si caah tbk in kal ahcun dothlennak lohma akal kho lo sual lai caah mu.Cucaah Chin hriamtlai hna zong nih mah btk karlak zawn tete hi zoh thiam abiapi tuk te lai.

Credit: William HC

Author: admin

Leave a Reply

Your email address will not be published. Required fields are marked *