Min Aung Hlaing Nih Kawlram Mipi Pulrai Khamnak Sii Kan Cawk Pengah Cun Kan Ram A Sifaktuk Lai

Myanmar rammi minung nuai 50 leng hna caah COVID-19 raikhamsii ramdang hna sin in kan cawk peng ahcun kan ram a sifak tuk lai, tiah SAC hruaitu Min Aung Hlaing nih a chim.

Falam Peng ah SAC Ralrang nih Nu Pathum an Kah hna, Pastor Nupi a Nunnak a Liam.Nihin (August 10) zinglei ah Falam le Tlangrawn khua karlak ah SAC ralhrang nih naupawi nu a phormi motorcycle an kah caah naupawi nu cu a phei ah hliamhma a pu, tiah Chin National Organization (CNO) nih thawngpang an chuah.

A phei ah an kahmi naupawi nu hi Falam sikhaan ah aa piah i an tlun lei ah atu bantuk hin SAC ralhrang nih an kah hna hi a si. Amah a phortu pa zong SAC ralhrang nih an tlaih.Cun, Lungpi khua, Lungrang sang ah SAC ralhrang nih meithal kahthlok in an kah ruang ah innchung ah ummi AG Pastor nupi cu a ttaang ah meithal kuan nih a khen caah a nunnak a liam.

Zalai khuate zong ah inntang ah thinphang thlalau in aa thupmi tarnu cu SAC ralhrang nih an kah i, a thih le a nun lai fiang in theih a si lo. Zualhma hliam a pu.Nizaan August 9 thawk khan SAC ralhrang nih Falam peng Lungpi khua ah aruang um loin mortar bomb in chun nithlak an kah.

Falam peng khuate pawl ah SAC ralhrang nih mi tlaihkhihnak an tuah caah ahohmanh Falam-Rih le Falam-Hakha karlak ah tlunkal lo ding in CNO nih thawngpang an chuah.

Credit: The Chin Journal

Author: admin

Leave a Reply

Your email address will not be published. Required fields are marked *