Chinram Mindat CDF Nih Cathanh A Chuah Mi Cu Uar An Um Taktak

CDF-Mindat sin aa fon mi SAC ralkap an um ahcun sing 50 pek timh.SAC ralkap nih hriamnam tling tein CDF- Mindat sin ah an rak i fonh ahcun tangka sing 50 kan pek hna lai, tiah CDF-Mindat nih an facebook cahmai ah an tial.Mizapi hi nucan pacan ah ruat in mizapi sin ah fonh a duh mi SAC ralkap cu lunglawm tein kan in don ko hna, tiah an tialchap.

Falam ah AG Pastor nupi Pi Ngeih Tling SAC ralkap meithal kuan in mual a liam.Falam Lungpi Sang AG Pastor nupi Pi Ngeih Tling (kum 60) cu SAC ralkap nih meithal in an kah i August 10, 1:00 PM ah mual a liam tiah theih a si.

August 9 lio Lungpi Sang ah meithal thawng an theih ca ah August 10 zing Zamual Sang ah an i thial.”SAC ralkap pawl an ke in Sang chung ah an luut i meithal an puah i an kah len.

CNDF-Falam he an i kap fawn lo,” tiah khuami pakhat nih a chim.Pi Ngeih Tling hi innleng varanda a dir lio ah an kah i sii-inn an kalpi hnu tlawmpal ah a nunnak a dih, tiah Zalen nih a tial.

Author: admin

Leave a Reply

Your email address will not be published. Required fields are marked *