SAC ralbawi Bogyi Myo Min Oo cu Yangon Ramthen Kayan Peng ah meithal in an kahthah

Yangon Ramthen Kayan (Khayan) Peng Kinmonchan khuami Bogyi U Myo Min Oo cu August 7 zaanlei suimilaam 4:00 tluk ah meithal in an kah i a hmun ah a thicolh. Hiti kahthah an ton a tam ca ah SAC lei nih uniform loin leng chuahvah ahcun i ralrin ding an i forhfial.

Mizapi thuam he inn ah kal ding a si ahcun hawi he kal ding. Hriamnam a herh ahcun chimh ta hnu ah i put ding, minung pakhat lawng in umkal lo ding, i ralrin ding tibantuk hna kha ralkap chung ah an cah hna,” tiah a thi mi he aa naihniam mi nih a chim. August 5 zong ah khan USDP party Hluttaw Palai hlun a si mi U Win Khaing zong Kayan Peng ah meithal in an rak kahthah bal cang, tiah Khit Thit Media nih a tial.

August 9, chun ah Mandalay Nantaw (Siangpahrang Inn) hmai um mi No.1 Palek sakhaan ah bomb a puak, meithal puah thawng zong a thang, Bomb in an vun cheh i a puah thawng a thang taktak.

SAC ralkap lei zong nih meitthal zuun 4 hrawng an puah ve. A pawngkam um mi ka si ca ah ka theih, minung an i khawn le khawn lo tu cu ka thei lo, SAC nih lam an phih i an chek len,” tiah bomb puahnak hmun pawng um mi minung pakhat nih a chim tiah Khit Thit Media nih a tial.

August 9, 9:00 AM hrawng, Sagaing Ramthen Kawlin khua Bus terminal (car-gate) pawng ah bomb a puak i Deputy Chief of Police (Duh-Ye-oh) pakhat le ralkap pakhat an thi tiah khuami nih an chim.

An ruak cu SAC GAD riantuantu le SAC ralkap nih an kalpi hna. Cu hnu tlawmpal khuachung ah suimilaam pahnih chung meithal thawng a dai lo tiah Myanmar Now nih a tial. Photo Google.

 

 

 

Author: admin

Leave a Reply

Your email address will not be published. Required fields are marked *