PI SUU KYI COURT NI THAWN SAL

Daw Aung San Suu Kyi thubuai  cungcangah a Sihni U Khin Muang Zaw cun August ni 9-ih court ding a si nan, court thurelnak nei lovin, August ni 16 leh 17-ah thawn sak a si thu RFA a sim.

Naypyidaw Zamu-Thiri township special court room-ih August ni 9 leh 10-ih court ding an ti mi cu  kar leh ni 16 leh 17-ah thawn a si thu U Khin Muang Zaw cun hiti hin a sim ih, Ni 9 leh ni 10 court a um nawn lo. Cu ruangah, Pi Suu Kyithawn khal kan hmuaw thein awn lo. Ruahman lawk vekin court ni cu Thawhtan leh Thawhleh ni a si theu  vekin, karleh ni 16 leh 17-ah thawn a si a ti.

Covid-19 hrik kaidarhnak suanlamin military council cun July ni 17 ih sin July ni 25 tiang ni 9 sung cu office chawlhah a puang ih. Office chawlh can sung cu August 1 tiang vawi khat, ni 8 tiang vawi khat, ni 15 tiang tiiin vawi thum rori a ti ruangah, Pi Suu Kyi- thubuai ngaihthlaknak can court ni cu an thawn vivo a si.

Cu vekin thla 1 hrawng cu Pi Suu Kyi- thubuai simfel thei lo in a rak um zo, a sihni pawl thawn khal  thla 1 suang an hmu aw nawn lo ih tawh. Pi Suu Kyi- cun tunah thubuai 9 a nei ih, military council lamin hi mi thubuai zaten thiam loh a chanter a si ah cun hremna sang bik kum 40 sung thawng  jail a tang ding tinak a si.

 

 

Author: admin

Leave a Reply

Your email address will not be published. Required fields are marked *