Salai Ngun San Aung Cu Khamhtu Bawi Zesuh Khrih Nun He Tahchunh A Si Ko Cang

Hramhram in rampi uk nak lak riangmang in kawlram mipi a kan that cuahmah tu ralhrangbu Min Aung Hlaing cozah ralkap doh ding le ram le miphun caah nunnak pek in rian t’uantu tampi hna lak ah uar a um khun mi Salai Ngun San Aung cu Khamhtu Bawi Zesuh Khrih nun he tahchunh a si cang.

Pu Tluang Thang nih a mah facebook cahmai ah a tar ning ah cun,” Bawi Zesuh Khrih nih nunnak pek tiang in vawlei mi vialte a kan dawt, Salai Ngun San Aung nih a nunnak pek ngamh tiangin Chin miphun a dawt ve,miphun nih upat nak pek awk tlak minung a si” tiah a tar.

 

Relchap: Ralhrangbu Palai Le Suu Kyi An I Tong Tiah Thawng A Leng Uknak latu ralhrangbu nih rampi ruahnak petu Daw Aung San Suu Kyi ton dingin August 6 chun ah innhngak cozah union government office vuanci- 2 Chit Naing le Labour minister U Win Shein hna pahnih hcu an thlah hna tiah theih a si.

Hi kong he pehtlaih in Daw Aung Suu Kyi sihni U Kyi Win nih zeihmanh kan thei lo.A si taktak mi a va si zongah kanmah nih kan theih ding a um lo.July 13 in a kan hruaitu hna he pehtlaihnak kan ngei ti lo tiah a chim.Nizan ah ralhrangbu palai hna he Aung San Suu Kyi an i ton ti cu fehter a si cang nain zeikong dah an i ceih ti cu theih a si lo.

Daw Aung Suu Kyi ngandamnak, eidin awk le a herhbau mi hna tawlrel piak dingin ralhrangbu chungtel Duh-bochok-kyi Ya Pyit cu zarh fatin ton dingin rian an pek tiah theih a si.

Kan hnu July thla Martyrs day hlan ah ralhrangbu lutlai Bochok-hmukyi Min Aung Hlaing nih a va ton hnu ah atu hi ralhrangbu nih Suu Kyi an ton a voi 2 nak a si.Hi kong he pehtlaih in ralhrangbu nih zeihmanh thawngthanhnak an ngei lo tiah MPA nih a tial.

Credit: TCP

Author: admin

Leave a Reply

Your email address will not be published. Required fields are marked *