Thantlang CDM A Tuahlo Mi Laimi Um Nak La Wa Ka Zung Pawng Ah Bomb Puak

Thantlang La Wa Ka Zung Pawng ah Bomb Puak.Nizaan (August 5) zaanlei sml. 4:05 hrawng ah Thantlang La Wa Ka zung pawng ah bomb puaknak a chuak. Bomb puahnak ruang ah aa khawngdengmi an um lo bang in a puahtu zong fiang in theih a si lo.

Thantlang khuami pakhat nih, “Thantlang La Wa Ka zung hi CDM ah aa tel lomi an um pah lennak a si i, mah ruang ah cun a si kho,” tiah a ruahnak a langhter. TRC nih April 11 ah an rak chuahmi Thantlang khuachung zung kip CDM ah aa tel lomi cazin ning ah Thantlang La Wa Ka zung ah hin CDM ah aa tel lomi minung 8 an um i cu chung ah cun Laimi 7 an i tel.Credit: The Chin Journal

 

(August thla chung ca)Hakha khuasa COVID-19 zawtnak a tuar mi hna, sii-inn na um ah siseh, inn na um ah siseh thazaang umnak Soup (Sahaang) in HBDO(Hakha) nih “dawtnak cabuai serh” kan in duh hna. Thazaang umnak caah Soup haang i cawk kho ding in phaisa thazaang a ngei lo mi hna caah, August thla (2021 August) chung hi man loin kan in chanh hna lai.

HBDO(HK) lei in ralrin ding:Soup kan in chanh mi hna kong kha aho sin hmanh ah kan chim lai lo.Rawl Cohlangtu lei in ralrin ding Keimah sin ah lawmhnak bia chim lo ding (Aruang cu keimah phaisa a si lo. Pathian mifa – Laifa dawt hna nih an ka hlut mi in ka tuah mi a si caah).

Nan or nih a hlam mi ti le rawl te kha nan duh mi poh (Nan duh mi poh) ka phone ah lungsau tein nan ka fianh lai. Nga Soup, Ar Soup, Cawsa Soup hi thazaang caah a tha bik men hnga. Soup le rawl kan in chanh hna ruang ah nan i lawmhnaknak in, kanmah te hi rawldangh khawhnak caan sung nan kan serpiak mi ruang tu ah kan i lawmhnak a ngan deuh.

Jesuh Khrih ah nan riantuan hawi,Pa Hu (Lian Lian Pa)09 400 30 5298.09 400 90 5298Date: August 05, 2021 Atanglei hi Ngasa Soup le Soup chuan ning a si.

Credit: The Hakha Times

Author: admin

Leave a Reply

Your email address will not be published. Required fields are marked *