RALKAP KAIH TIH IH TLAN MI PAWL AN KIR SAL A SI LEN CASE TIHTAWP SAK DING MILITARY CONCIL

Ralkapin thuneihnak a lak hnuih thuneihnak dokalh ih tlan mi pawl, cozah hnatuan leh mithiam pawl leh hmun dang dang ih um mi pawl an ra kir duh a si len an thubuai  (case) tihtawpsak a si ding thu Military council cun a puang.

Asinan, Military council cun mi nunnak latu, bomb tipuaktu, suam hmang, ralkap kaptu, cozah building tise tu leh tharum thawh zawngih CDM-ih tel pawl cu an case tihtawpsak ding mi ah an tel lo tih fiang zetin a puang zar thung a si.

Yangon region, police department lam cun ‘thungai takin CDM zawmtute cu kan pawm a si’ tiin BBC an sim ih. ra kir duh mi hrangah state leh region dang dang ih police phone number leh email-pawl cu cozah kutken chanchinbu lamah tarlan a si.

Cu mi phone number-pawl cu tuhlan ih CDM lut pawl report (hek)-nak ding ih an ti mi tho tho kha a si, tuah cun ra kir duh mi pawl tanpinak phone number ah an hmang sal a si, Kayin state police department lam cun mini tiang ah khan ra kir duh pawl ziang vekin saw kan rak welcome ding tih an thei ciang lo ih, Cutih laiin, thuneihnak pawng lak duh lo ih lamzawh pawl cu civil dress-ih thuamaw police pawlin an kai ih, bungbel khawng aw mi pawl khal zan rei sim lovin an kai ring ring tho tho tiah theih a si,

Caretaker Government tiih hmin thlengin Military council cun August ni 1 ih sin firfiak doletnak (counter terrorism law) dan cu tuah danglamin,  thawng jail tan thei nak can rei an tuah ih. CRPH, NUG leh PDF cohlangih zawngin an logo pawl social media lamih hmang leh tarlang an um cun counter-terrorism law pahbal a si thei thu hronak khal an ti suak zo a si,

Military council-in a tar lan, ra kir sal duh pawl biakpawh theihnaknak police phone number-ih run phone an um leh um loh BBC-in police lam a suh mi ah cun ‘ngaihven ih run be pawp cu mi 10 hman  an kim lo’ tiin an sim. CMD lut mi doctor pakhat cun hivekih kohawknak cu rinhlehumin rinngam ci a i lo tiin BBC a sim a si.

 

Author: admin

Leave a Reply

Your email address will not be published. Required fields are marked *