BARCELONA IH SIN MESSI A SUAK DING   

Barcelona captain Lionel Messi Cun Barcelona-ah contract thar ngan mei dingin a lang lai ah thuthar a run um leh sal ih, Messi cun season tharah Barcelona hrang a sit nawn lo ding a si.

Messi cungcangah hin Barcelona cun thusuah an tuah ih, “Lionel Messi leh Barcelona te cun contract thar ngan cungcangah remawknak ziangkim kan nei zo ko nan La Liga dan dang dang ruangah kan thil duh hi kan ti puitlin thei ta lo ih. hi mi dinhmun ka tawng takah cun Messi leh Barcelona te kan zawm awknak hi tih cat a tul thlang ding ih,  tum vekin thil a feh thei loh ruangah Messi leh kenni club lam cun pawi kan ti in Messi hi a hmalam can khalah duhsaknak sangbik kan hlan a si” tiin thusuah Barcelona cun a tuah.

Lionel Messi cun Barcelona hrang game 778 khel zoin goal 672 lai a thun zo ih, assist 305 lai a nei zo a si. Messi cun Barcelona tan trophy tam tak a cawi/lak zo mi lakah  Champions League-ah Barcelona tum li lai champion pi zo in La Liga-ah tum sawm lai Barcelona a champion pi zo a si.

 

Author: admin

Leave a Reply

Your email address will not be published. Required fields are marked *