MIZORAM AH MYANMAR RALZAAM DORNAKHMUN SAKCHAP DING IN TIMHTUAH

Myanmar ram in Mizoram ah a chuak i, a va dor mi hna an umnak camp cu Mizoram khuami hna nih kau deuh le tam deuh in sak ding in timhtuahnak an ngei, tiah kan theih.
Mizoram Camphai District um mi Zawlsei khua i ralzaam hna umnak Relief Camp ah ralzaam minung an i tlum ti lo ca ah August 4 thok khan kau deuh in sakchap ding in an i timh hi a si.

Hi Zawlei khua relief camp saknak caah Khuagthing khua upa pawl nih a herh mi rua le mau damhnak lei ah pumpek in an tuan i, motor khat phur tluk an hlam khawh, tiah LPS news nih a langhter.

Atulio ah Zawlsei camp ah hin ralzaam minung 100 tluk an i dor i, minung 40 hrawng tlum ding hmun sakchap ding in an i tim tiah kan theih., Hi Zawlsei relief camp hi 2021 kum ah MAH le a ralkap nih Myanmar ram ah uknak a lak hnu in Chin miphun ralzaam tampi an umnak a si, tiah kan theih. Photo LPS

Kachin ram ralzaam minung 20 sin ah COVID-19 zawtnak hmuh, bawmh herh in an umĀ  Kachin Ramkulh Myitkyina khua Palana Sang Tiniti ralzaam camp ah COVID-19 mizaw 20 hmuh an si i sii-ai siseh, tirawl eidin ding siseh, bawmh hau in an um, tiah Kachin News Group nih a tial.

Hi mizaw hna hi August 5 zing ah lunghrinh mi minung 42 an check hna i cunchung ah minung 20 sin ah zawtnak an hmuh hi a si.

Atu hi test kit zong a dih ca ah midangdang an check kho ti hna lo. Zawtnak hmuhcia mi hna zong sii-ai pek ding siseh, thazaang umnak tirawl zong pek ding a um lo i lungrethei an si, tiah tuanvo ngeitu nih an chim. Crd The Hakha Times.

 

 

Author: admin

Leave a Reply

Your email address will not be published. Required fields are marked *