MIZO ZINGA WORLD CUP KHEL HMASA BER VAIBELCHHE HNIH MAN APUIA, INDIAN FOOTBALLER MANTO BER CHU

Mizo rawlthar Lalengmawia Ralte (20), Apuia chuan a club NorthEast United chhuahsanin ISL Champion ni lai Mumbai City FC a zawm a, a man hi ₹2Crores (vaibelchhe hnih) lai a ni.

Apuia hi tunlai Indian rawlthar duhawm ber pawl a ni a, season hmasa khan ISL Emerging Player of the Season ah thlan niin ₹3,00,000 (Nuai 3) a lo dawng tawh a, ISL a Captian Armband hreng thei naupang ber a ni bawk.

Apuia hian Mumbai City ah hian kum 5 daih contract a ziak a, a hlawh zat tur diktak hi tarlan ni lo mahse season khatah cheng nuai 100 vel bawr chu a hlawh a rinawm a, kum 20 chauh tan chuan hlawh tha tak a ni.

Apuia hian sawmtu a nei tha em em a, Indian Club mai nilo Tokyo FC thlengin an hnena khel turin an sawm. A la naupan avangin a khelh that chhoh zel chuan a market value pawh hi a la sang chho zel ang.

Tin Apuia hian 2017 khan U-17 World Cup ah India tan a khel a, Mizo zinga World Cup khel hmasa ber a ni. Mumbai City hian vaibelchhe hniha an lei avang hian Indian Footballer piang tawh zinga manto ber chu Mizo rawlthar Apuia hi a ni.

 

Author: admin

Leave a Reply

Your email address will not be published. Required fields are marked *