CHINA RAMIH QUARANTINE CENTER IH LUT MYANMAR MI PAWL AUGST NI 1 EI DING AN DAWNG NAWN LO

China ram leh Myanmar ram riawknak China ram sung lam ShweLi khuaih quarantine center pakhatih an ret mi Myanmar mi pawl cu August ni 1 ih sin ei in ding an pek nawn lo ruangah an mangbang nasa tih social media lam ih sin theih a si.

Quarantine lut mi lak ih sin mi pakhat cun Raw lei ding in pek thei lo ruangah ni khatah chow bur 2 leh tidai bur 3 in pek ih, ci mi khal in pe mumal theih loh bakah kan zatenkan dawng kim thei lo. Tidai in ding bur co lo pawl cun, Ekin ih hman ding mi tidan an in ih, Nauhuak leh naupai pawl cu room dangah ret an si ruangah an bawm aw thei lo ih, Hi mi hmunah hin Myanmar lam mi mipa leh nunau 150 hrawng kan um ih, harsatnak kan tawng rero lai a si tiin a tarlang a si.

ShweLi khua leng lam ih Q Center-ih kiltu pawl Myanmar mi quarantine center-ih um pawl cu thawng in (jail)-ih um mi bangin an um ih, a lengih sin tawhin an kalh khum ih, rawl ei man pe zo leh pe hrih lo pawl khal August ni 1 ih sin ei ding an pe nawn lo tiah theih a si, Curuangah, Q center-ih lut pawl cu raw lei lo ruangah an nuar ih, Myanmar lamah kuat an si lo ruangah a tawpah tanpinak hmuh theih beiseiin social media lamah tanpinak an dil ta a si.

Q center-ih lut ve pakhat cun, “Covid hrik khal an hmu lo ih, In pakhatah China mi leh Myanmar mi pawl an um khawm ih, Myanmar lam mi lawng an hruai suakih an Quarantine ih. Police leh kan puten pawisa kuan a tul lo, va thlun mai uh in ti ih, a si nan Quarantine Center kan thlen cun pawisa in dil leh si ih, kan buai ta a si,” tiin a sim.

Curuangah, Q Center-ih lut cun social media ih sin China thuneitute hnenah ‘China ramin Myanmar mite raw lei ding a pek thei lo cun, Myanmar ram lamah tlung ter seh, Quarantine luhter lo leh, Myanmar migrant worker pawlin hna tuan ding an neih loh ruangah, pawisa an nei lo ih, Q center-ih ret an si cun pawisa dil sin awn hlah she, tiin an phur.

China cozah cunJuly thla ah khan a ram sungih um siannak document felfai nei lo leh regular-ih pawisa lak luh nei lo foreigner-pawl dawisuah a tum thu a puang suak ih, a Sinan tuah cun um siangnak. document ziangkim nei, China ramrih um, mahten tungding aw thei, sumdawnnak hna tuan mi cuMyanmar ram lam ih kuat tlung tumnak a tho tho ruangah mi tam takin harsatnak an tawng rero a si,.Crd The Tahan Post

 

 

Author: admin

Leave a Reply

Your email address will not be published. Required fields are marked *