Lai Caholh lei Bochanmi Pu Sui Mawng a Nunnak a Liam

Nihin (August 4) zinglei sml. 3:30 hrawng ah Yangon ah Pu Sui Mawng (kum 59) a nunnak a liam.Pu Sui Mawng cu kan pa Rev. Dr. David Van Bik lehmi kan Lai Baibal Thiang Revised Edition chuahnak le Lai Khrihfa Hlabu tharchuahnak ah luhlinh in rian a ttuanmi a si i, Lai Concordance cauk sunglawi zong a kan chuahpiaktu Laica lei kan pa/kan u pakhat a si.

 

Cu lawng si loin ramchung le ramleng Laimi cauk le Magazine tam u cu Pu Sui Mawng sin ah hin an phan i, amah nih Layout Design suai, Edit tuah le Print chuah tiang in ttuanvo a lakpiak tawn hna.Yangon ramtthen, Hlaing peng, Myahkanthar Housing ah an um i, caan zeimawzat oxygen he an thlop hnu ah a nunnak a liam hi a si.

Pu Sui Mawng nih a nupi le a fale pahnih a taantak hna. CACC nih Pu Sui Mawng Ngaihchiatpinak an Tial”Pu Sui Mawng (Pengpeng pa) na liam thawng kan theih cu kan thinlung a kek kuai tuk. CACC ah na chiahtaak mi nan nehnang le na rianṭuan baantaak mi hi zei tin kan hun pehzulh khawh lai. Baibal ca remhṭhannak ding le a thar lehnak kong ah ṭuanvo tamtuk na ngeih rih ṭung. Khrihfa Hlabu namṭhannak kong zong ah kan in herh tuk rih ṭung.

 

Caan saupi CACC ah staff dirhmun in siseh, expert dirhmun in siseh, zaanghlei cawinak in siseh, na fimnak na thiamnak, na thazaang le na caan dihlak pek in rianṭuannak cungah kan i lawmtuk, kan in upat fawn. Na tlei thawng kan theih cu CACC chungkhar dihlak ca le CACC ram chung dihlak ca ah kan chunmui a tlun ni a si. Zei bang ti ṭha sian lo bu te in kan liam taak ko kun. Na kal taak mi na lo hma ah kan nih vialte ngaihchia ngai le zaang uai ngai in kan rak cawlcang rih lai. Lung dai te in i din ko mu.” CACC

Credit: The Chin Journal

Author: admin

Leave a Reply

Your email address will not be published. Required fields are marked *