ṬHIAN CHHAN THIH NGAM NAUPANG HUAISEN LALRAMLIANA’N A ṬHIANPA A CHHANCHHUAH DAN

Nihnih lai liam tawh mahse a fak awm e mai fak phu chu fak mawlh mawlh ang u aw, 2. Aug tukṭhuan eikham khan Joseph Lalmalsawma Kum 13 s/o Suiliankhama leh Lalramliana Kum 11 s/o Lalrinchhana te chu Kurung luikam velah rawtuai khawrh turin an chhuak a.

Engemawzat an khawrh hnuah Kurung lui (Nghatan li) ah insilfaiin tui te an cheng a. Josepha zawk hi tuikhawhthla virin a la sual palh a, a lu chu khâm bangah tauhin tuiah a pil ta a, a ṭhianpa Lalramliana chuan a hmuh tak loh avangin a ṭhianpa hi a au vak vak a, a hmuh hnuhnun na laiah chuan va liluh lehin a hmu zo mai lova, a beidawng chhuah tumin a vai fuh leh hlauh mai a. Tichuan a theihtawp a pawtin a pawt chhuak ta a.

Luikamah a thiam ang anga sawngbawlin a âwmah te nemin a hnarah leh a kâ ahte thi a rawn chhuak a. A beidawngin a thâwk leh thâwk loh te a en a, a thaw tawh lo nia a hriat avangin khaw lamah chanchin hrilh turin a tlan hawng a.

An chanchin hriain YMA member awm ang ang te an tlan liam nghal a; hetia a ṭhianpa zualko tura a chhoh hlan hian, Josepha chu lo harhin kè in a theih ang anga khaw lam panin a kal a, mi tlawmngai amah ṭanpui tura kal te nen an intawk ta a ni.

Lalramliana hi Class VI zirlai a ni a, hetiang kum lek ni si, ṭhian chhan thih ngam mi huaisen a’n nei hi Branch YMA, New Hruaikawn in an chhuang hle a ni. Zuala Chhangte mizo special report

Author: admin

Leave a Reply

Your email address will not be published. Required fields are marked *