Lai Pasal Tha Salai Ngun San Aung Bia A Tling Cuahmah

Hakha mino hruaitu Lai Pasal Tha Salai Ngun San Aung nih Hakha khuapi chikhat a chuah tak lai ah Ralhrang kawl talkap pawl dirhmun a hmuh ning a rak chim ta mi hna cu a taktak in a tu kan ton cuahmah lio pi a si.a chim miphung in zei maw zat cu a tling cang.a cheu hna cu kan ton cuahmah ding mi lawng te an si.mipi nih kan i runven nak ding caah ka vun thil t’han mi tu a si.

 

 

Salai Ngun San Aung nih a chim mi tampi chung in a cang cuahmah mi thil kan vun langhter lai.fiangtuk in hmuh a si mi cu a tu lio kawlram dothlen nak cu i tukdoh nak in kan ram kan thleng lai lo.i tuk doh nak le thisen luan nak in kan ram kan thlen lai ti kha kan kal pi mi a si hrimhrim lo.a tulio kan ram dothlen nak caah kan i bochan bik mi cu CDM kha a si ko.kei mah tlaih dingin nawl an chuah ko bu ah leng ka chuak,zalam ka zawh peng,zaan ah cun khua lengah ka thup nawk na in tlaih an ka duh ah cun fawn tein tlaih khawh a si ko.

Asinain Ralhrang nih anka tlai lo.aruang cu CDM hruaitu hna kan tlaih hna ruangah t’ihnung thil a chuak kho ti an theih tuk caah a si.cun, kei mah kha rak ka tlai hna sehlaw,ka aiawh ah mi dang tampi an chuak t’han kho ti kha an theih tuk.cu pin ah a tu lio ralhrang an dirhmun ah cun phaisa hman ding zei hmanh an nei ti loh.CDM nih private bank vialte kan tei khawh.ralhrang pawl lahkhah an i pe kho ti lo caah CDM nih an kan tei cang ti hi an i fiang tuk.Cucaah kan i ralrin awk thil a si mi cu CDM hruaitu lawng a si ti lo hih.

 

 

Khuapi le khuate mirum vialte hna zong an tlaih te hna lai,Bank lian a nei mi vialte zong an tlaih te hna lai,cu pin ah bank zong an bauh cuahmah rih lai,mifir bantuk in a kenkip ah an vak cuahmah lai i cuhlan nak in an sual chin lengmang lai.a ruang cu CDM nih vawlei pi hmai ah an kan tei cang ti an theihtuk caah ruru-hranghrang in an um cang caah i ralrin ngaingai a hau.tlamtling tein a video te hi  click piak  The Chin Journal   rak ngai chih.

Author: admin

Leave a Reply

Your email address will not be published. Required fields are marked *