Mindat-Matupi Karlak Kahdohnak ah CDF-Matupi in Mino 3 nih Ram le Miphun ca ah Nunnak an Pek. Zomi Ramkhel Party ZCD Chairman Pu Chin Sian Thang a Nunnak a Liam

Mindat-Matupi Karlak Kahdohnak ah CDF-Matupi in Mino 3 nih Ram le Miphun ca ah Nunnak an Pek. Zomi Ramkhel Party ZCD Chairman Pu Chin Sian Thang a Nunnak a Liam

=================================

Nizaan (July 30) ah a cangmi Mindat-Matupi karlak kahdohnak ah CDF-Matupi in mino 3 an nunnak a liam, tiah CDF nih thawngpang an chuah. A nunnak a liammi hna cu, Salai Kung Thang, Salai Ha Tun, Salai Thang Chin Sang hna hi an si.

SAC ralhrang lei in Lieutenant Colonel Zaw Zaw Soe telh in ralhrang 10 a thi ve, tiah thawngthanhnak ah an langhter. July 25 le 27 kahdohnak zong ah CDF-Matupi in Salai Zaw Myint Phe le Salai Tun Shwe an nunnak a rak liam cang.

Zomi Ramkhel Party ZCD Chairman Pu Chin Sian Thang a Nunnak a Liam, Zomi ramkhel party “Zomi Congress for Democracy” (ZCD) i an Chairman a simi Pu Chin Sian Thang cu nihin zaanlei sml. 5:30 hrawng ah an inn ah a nunnak a liam. ZCD hi abikin Tonzang le Tedim ah a tthawngmi ramkhel party a si. 2015 thimnak ah Chin State Hluttaw ah tthudan 2 le Pyituh Hluttaw ah tthudan 2 a rak hmumi an si. The Chin Journal.

July 31, KIA umnak Laiza kiangkap hrawng ah thilman kaiter in a zuar mi cu fak piin dan kan in tat hna lai, tiah Laiza Ukhruainak zung nih a thanh. COVID-19 lio a si ca ah rammi har lio a si. Thil man kaiter hlah u tiah cathanh an chuah. Laiza ah hin dawr cheukhat cu zinglei 9:00 AM tiang lawng dawr an honter hna. Laiza ah COVID-19 mizaw hmuh a si ca ah lockdown chiah a si i khuami hna zong zawtnak an ngeih le ngeih lo an check cuahmah hna. #Kachinwaves_Kachinnet

 

 

 

Author: admin

Leave a Reply

Your email address will not be published. Required fields are marked *