MINDAT- AH CHIN PASAL THA TEN MYANMAR MILITARY COMMANDING OFFICER KAP HLUM.

Nimin 30.7.2021 (Friday) khan CDF-Matupi leh CNA te tangrual Chin hnam pasaltha ten Military council sipai te chu Matupi -Mindat kawngpui Mile post No.73-na bulah an in kap a ,Sualsipai lam atangin an Commanding officer Lt.Col.Zaw Zaw Soe leh sipai dang 10 chu an kap hlum tih Chinland Defence Force atangin thudawn a ni. Hnam sipai Mindat CDF atangin Salai Hatun, Salai Than Ching Sang,leh Salai Thang Kung te chuan ram leh hnam tan an nunna an hlan ta a ni.

Chin State chhunga Mindat khua pasal tha te hi khawvela huaisen lama hriat hlawh tak a ni a,tualchher sapel nana hman thin meidet silai satliah nena Myanmar Army dolet ngam an ni a,Military council sipai tam tak hualbetin an that teuh theih avangin hmunpui lam atangin tanpuitu sipaite chu helocopter leh thlawhna hmangin an rawn dah belh hial a ngai a,ral atangin laipui in an sai chiam a, chung lam atangin Helicopter leh jet fighter nena an beih chung pawhin Mindat Chinland Defence Force te hi an tlawm chuang lo a ni.

Salai tih hi Tiau chhak lam zohnahthlak mipate in koh na a ni a,Pa emaw tlangval te tan hming hmaa dah a koh thin a ni.Pasaltha tihna a ni a ,Pu tih emaw Shri or Mr. tih a hming hmaa ziah thin a ni.

Mindat khua atangin miropui tak tak an lo awm tawh thin a, chung zingah chuan Salai ” Vum Thu Maung” pawh a tel ve a. Ani hi Chin State chhim lam Mindat khuaa Chin anti-colonial leader a ni a,Chin State a Chin Affairs Minister hmasa ber dinhmun lo chelh tawh a ni. Tluanga Chhakchhuak.

 

Author: admin

Leave a Reply

Your email address will not be published. Required fields are marked *