Military Council-in Ram Dang Bank-ah Investment Rinaiin Nei Tam

Military Council-in Ram Dang Bank-ah Investment Rinaiin Nei Tam.

======================

Military council terorrist tena inthlunzawm company tam takin ram dang Bank-ah Investment (sum dah luh) an nei nual a, he thilah hian Military council-in mawhphurhna nei tih Justice For Myanmar chuan July ni 28 khan thuchhuah a siam.

Finance leh Management lam Bank an tih mai Amundi, Nikko Asset Management, Natixis leh DWS investment te hian Military council te an tanpui thin niin tun hnaia chhuitu ten an hmu chhuak a. Tun hma aiin ram dang Bank-a investment thil-ah an inrawlh thuk hle thu pawh an tar lang bawk a.

Military council ten an thlun zawm company 18-ah hian ram hrang hrang Bank 19 zetah investment an nei a. Heng an investment-a share zawng zawng hi $ Maktaduai 65000 chuang niin an sawi.

Heng company kan sawi tak te hian Myanmar hi a la thunun reng a, hun rei tak inzawmna tha tak an neih rin a ni a. Heng an thil chet kualtir dan hi khawvel hmasawnna leh sumdawnna insuihkhawm pawl OECD tena an dan zam leh UNO, Human Rights lam dan zam nen an inmil loh thu, JFM thuchhuah chuan a tar lang a. Dan zamah chuan ‘Company chuan Human Rights a pal zut tur a ni lova, chumi a nih loh vek pawhin tumah a en hniam tur a ni lo’ tih thu hi a tel a ni.

Justice For Myanmar thu puangtu Ma Yadana Maung chuan ‘Ram hrang hrang company ten dan lova Myanmar Military council te an thlawpna hi an Bank chawpa action na taka lak an phu a ni’ a ti a.

Myanmar Military council hruaituten sumdawnna lian Ltd. (MEHL) leh Myanmar Economy Coporation (MEC) te an thunun ang bawkin, sipai lal chin leh a lu bawk chin te hian ram leilung chhuak thil an pumbilh vek thu, thuchhuahah tarlan a ni bawk a.

Myanmar Military council nena inthlunzawm a, ralthuam support-tua an ngaih, Bharat Electronics Inc company, tuialhthei leh gas company an tih POSCO, Chevron, Shell leh TOTAL company tiamin company 18 zetah heng sumdawnna investment lam hi kalpui a nih pawh Justice For Myanmar chuan a ring tlat a.

Heng company 18-ah hian Dollar Billion tam tak an investment nual a; chung bank-te chu Janpan leh khawthlang ram (Europe leh US)-a innghat deuh vek a ni a. Justice For Myanmar-in a tar lan danin heng Bank 19 zingah hian Credit Agricoie, Sumitomo Mitsui Trust, Mitsubishi UFJ Financial, Bank of America, JPMorgan Chase, UBS, Deutsche Bank, Morgan Stanley, Credit Suisse te an tel thu a sawi.

Military council ten company-a share an neih tamna ber $ Maktaduai 12000 chuang an dah luhna earwh chu France rama Credit Agricole Bank hi a ni. Share tamna te hi Management lam Amundi company ten an thunun a, company-a 70% hi Credit Agricole Bank-in a hum thung a ni.

Bank danga share an neih tamna thenkhat chu Japan bank – Sumitomo Mitsui Trust leh Mitsubishi UFJ Financial Bank te niin, US Bank-ah chuan Bank of America leh JPMorgan Chase Bank te an nih thu tar lan a ni bawk.

Myanmar Military council te hian tuna Bank hrang hranga investment a tih chungchangah tun hnu zela an tih tawh loh nan te, sipai pawl hnena sum puktir tawh lo tur leh ram hrang hranga investment tite chu Bank Tracking nei turin Jusatice For Myanmar chuan a ngen nghal a.

Tunah chuan Military council ten thuneihna an lakna hi thla 5 a chuang der tawh a. Hemi chhung hian sipai ten mipui 900 chuang that tawhin mi 5000 chuang zet an man tawh thu political prisonpawl AAPP record atangin a hriat theih a. Pawngsual, mi man leh mi sawisa hlumtute chu eng case mah an awrhtir chuang lova, rawng takin sipaite hi an la che zel a ni. The Tahan Post

 

 

Author: admin

Leave a Reply

Your email address will not be published. Required fields are marked *