KIA Central Office Laiza hrawng ah thilman kai in a zuar mi dantat timh

KIA Central Office Laiza hrawng ah thilman kai in a zuar mi dantat timh

======================

July 31, KIA umnak Laiza kiangkap hrawng ah thilman kaiter in a zuar mi cu fak piin dan kan in tat hna lai, tiah Laiza Ukhruainak zung nih a thanh. COVID-19 lio a si ca ah rammi har lio a si. Thil man kaiter hlah u tiah cathanh an chuah. Laiza ah hin dawr cheukhat cu zinglei 9:00 AM tiang lawng dawr an honter hna. Laiza ah COVID-19 mizaw hmuh a si ca ah lockdown chiah a si i khuami hna zong zawtnak an ngeih le ngeih lo an check cuahmah hna. Kachinwaves Kachinnet.

Sii caw mi 1000 leng COVID-19 phung nan buar tiin SAC Palek nih an kham hna July 31, Yangon S.Okkalar Shwe Oo siidawr hmai ah sii caw ding in aa tiang (a hngak) mi minung 1000 leng cu “Cunglei nih an kan fial” tiin Palek nih an kham hna. Hi siidawr ah hin sii cawk ding ah zinglei suimilaam 4:00 in an i tiang (artlang dir/hngah) cang i, “COVID-19 phung nan buar,” tiin an kham hna. Siidawr ngeitu zong zuar ti lo ding in nawl an pek hna.

Hi siidawr ah hin Enoxaparin Sodium Injection ril (pum) khat ah Ks.8900 in cawk a si. Siidawr dang ahcun Ks.20,000 in Ks.50,000 tiang aman a phan tiah Social Media ah an tarlangh cio hna.

SAC phu nih an chuah mi Oxygen rammi zuarh lo ding in khamhnak, rammi mizaw a bawmchantu volunteers pawl tlaihkhih i dantat, alak in mizaw a thloptu siibawite le volunteers pawl phihkhar tibantuk in SAC phu nih rian an tuan, tiah Khit Thit Media nih a tial.

 

Author: admin

Leave a Reply

Your email address will not be published. Required fields are marked *