HRW Nih Ralhrangbu Cawlcanghnak Ahmuh Ning A Phuan Mi Cu Tih Anung Chin Lengmang

HRW Nih Ralhrangbu Cawlcanghnak Cu Humanity Crime Lei A Hoih Cang A Ti Human Rights Watch nih ralhrangbu uknak lakhnu thla 6 chung Kawlram dirhmun an hmuh ning a chimnak ah ralhrangbu thiltuah ning cu humanity crime lei a hoih cuahmah cang tiah a ti.Ralhrangbu nih hramhram in nawlngeihnak a lak duhlonak a langhter mi hna an hrem, an thah mi hna le thil dang a tuah ning cu vawleicung minung hna cung zaangfahnak lei hnatlaknak (International Humanitarian Agreements) pawl an buar mi a si tiah HRW nih a ti.

Ralhrangbu nih a mipi hna cungah a thil tuah ning cu humanity crime a si caah an tuah mi cungah tuanvo ngeitu hna nih tuanvo an lak khawhnak dingah kan tuah a herh tiah HRW Asia director Brad Adams nih a chim.Ralhangbu nih uknak a lak le cangka in Kawlram chung nuhrin covo an buarnak vialte fianter ding UNSC biachahnak tuah ding mi cu Taluk le Russia nih veto power hman in a hlonh mi cungah HEW nih kan thinphan ning kan langhter cang bantukin UNSC nih Kawlram kong cu ICC ah hoih ding telin ralhrangbu hruaitu hna cu dantat dingin HRW nih ruahnak kan rak pe cang.

Mah lawng si loin HRW nih UNSC le UN chungtel ram hna cu ASEAN nih ralhrangbu hruaitu hna pressure a pek khawh lai ti zumhnak ngei tilo dingin langhter a rak si cang.April 12 ni Jakarta ah tuahmi ralhrangbu hruaitu zong a kainak ASEAN nih Kawlram kong ceihnak ah bia an kam cang bantukin a tutiang special envoy an thlah khawhlo nak le ralhrangbu nih nuhrin covo a buar mi cungah ASEAN nih pressure an pe kho hna lo.UNSC, US, EU, Australia, Japan, India, Thailand ram hna telin thazaang a ngei mi ram hna nih ralhrangbu pressure pek ding, an sualnak donghter ding le dantatnak zong a tuah a herh tiah Brad Adams nih a chim.

Human Rights Watch nih a tubantukin sual kan puh mi cungah ralhrangbu lei nih ka khat hmanh a kan lehlo caah BBC zong nih ralhrangbu thawngthanhnak bu sin in bialehnak pakhat tal hmuh dingin a zuam lio a si.Kawlram ah ralhrangbu nih February 1 uknak a lak hnuin ralhrangbu kut in minung 940 deng an nunnak a liam cang.Mimung a thong in an tlaih hna tiah AAPP nih a thanh.Asinain, ralhrangbu nih mah cazin hi an porh mi a si, ralhrangbu riantuantu hna zong an thi ve ko tiah a chim.Credit;Ref; bbc, hrw(TCP)

 

 

Author: admin

Leave a Reply

Your email address will not be published. Required fields are marked *